J.moon

因為朋友生日，所以訂咗枱食飯，一行4人。——————————————————1. 環境黑孖孖又多蚊：場地分兩區，一邊係大家平時見到好多波波燈嘅打卡區，但其實只有少量枱喺嗰邊。我地被安排坐另一區，嗰度係黑漆漆，嗰度好似停咗電咁，不但冇波波掛燈，仲差唔多係完全冇其他燈嘅，只有每枱一盞月球燈，燈光十分微弱，完全睇唔到自己食緊乜，如果大家諗住打卡千祈要確定自己有冇得坐打卡區。而且可能因為太黑同埋餐廳冇做好滅蚊措施，現場超級多蚊，被咬了很多啖。——————————————————2. 被ruin 嘅蛋糕surprise：放低咗蛋糕做生日surprise，但waiter 走過嚟問幾時上得蛋糕，我諗其實都預咗有機會係surprise，可以細心啲。——————————————————3. 催促交枱：明白有90分鐘用餐時間，但明明隔離都係4人枱，仲要佢哋坐得耐過我哋好多，但係趕我哋走先，會唔會有啲唔公平。——————————————————4. 職員態度差：食完飯同職員有禮貌地反映我哋有少少唔滿意嘅地方，啲職員好唔耐煩，凶神惡煞，完全冇聽我哋講嘢咁。唔建議大家嚟食受罪，嘢食又唔係特別好食。