聚聚 (已結業)

估唔到喺土瓜灣都可以搵到一個咁好嘅地方，喺平凡日子，都可以好似去咗飲宴咁，有靚靚環境，食一個豐富嘅晚餐😌住附近嘅朋友介紹嚟依間好似都幾新嘅餐廳，晚飯有幾款二人套餐，菜式都幾特別，真係好似去飲咁興奮了 興奮了😂😂流心雙色皮蛋伴芥末沙律花枝卷打頭陣嘅頭盤，賣相幾特別，原來雙色皮蛋係指用咗兩種唔同嘅薑蓉，薑蓉份量都幾多，成隻皮蛋放入口，皮蛋流心感覺好正！花枝捲入面，真係有厚厚嘅花枝肉，爽口雞樅菌鳳尾蝦蘑菇湯蘑菇湯香濃，濃稠，好飲😌😌大大隻雞樅菌纏繞住隻蝦，口感幾爽👍🏼泰蘆筍松露炒帶子❤️❤️一上菜就聞到香噴噴嘅松露味蘆筍幼嫩，清爽帶子大大粒，兩面煎香左香口，鮮甜👍🏼嚐聚有米魚原來係一個已經起肉嘅魚，再加一個炸到金黃香脆嘅米飯波波條魚已經起咗肉，一片片，非常方便，魚肉滑嘟嘟，不過都有少少骨，所以食嘅時候都要小心湯好好飲，甜甜地，又有胡椒香味浸一浸脆米，真係非常滋味！養生藥膳酥皮雞真係嚇親！份量非常驚人！一大個碗，包住大大塊酥皮！店員細心幫我哋打開酥皮盒子，裏面既雞同栗子份量都真係好驚人！明明係二人份量嘅菜單，呢個酥皮雞竟然係如此豐盛！藥膳湯汁甜甜地幾好飲，令到栗子同埋雞肉都變得更香甜，冬天食真係好