DINELAND

營業中

休息中

餐廳環境雅緻，好有格調，坐得好舒服，又可以望到街外嘅風景。我哋叫左龍蝦汁大通粉配香蒜焗龍蝦尾套餐同埋海鮮龍蝦汁寬帶麵。頭盤係一個沙律，酸酸甜甜，好開胃！餐湯係羅宋湯，飲品揀左特飲，芝士奶蓋四季春菠蘿，好飲，拍得住出面既手搖店。龍蝦汁大通粉配香蒜焗龍蝦尾嘩！呢碟既擺盤好吸睛，成條龍蝦起肉，而且焗得好靚，食起嚟好方便，而且啖啖龍蝦肉，又爽又彈牙，正！海鮮龍蝦汁闊帶麵呢碟海鮮龍蝦汁闊帶麵都好吸引，上面有大蝦、帶子、青口同埋大蜆，全部都好新鮮，啱晒鍾意食海鮮嘅我。佢嘅龍蝦汁幾好味，唔鹹，夾埋闊帶麵食，好食，質素好好!心太軟連雪糕個心太軟都整得好好食，外脆內軟，而且好流心!