影片
更多
2022-05-20
35 瀏覽
疫情下d年假無得用黎去外國旅行，唯有得閒放下假係香港周圍食下行下。今日黎到赤柱玩，記得網上有人介紹一間名為地標之一嘅黃屋餐廳，難得平日唔係太多人等位，就打算黎坐下食個lunch啦。餐廳共有3層，有分室內座位同埋露台位，由於今日天氣好又未係太熱，我地揀左坐頂層嘅露台位。餐廳環境開揚，裡面相當好光猛，露台位仲可以望到海景，真係好寫意，打卡一流呀！餐牌上選擇非常多，食物方面除左set lunch之外，仲有brunch類，飯，意粉，pizza，魚同扒類，小食及甜品。至於飲品，除左有咖啡，茶，果汁，汽水，smoothies之外，仲有各式各樣嘅酒精飲品。由於set lunch 唔係太啱口味，我地選擇散叫，揀左一個頭盤，一個小食同一份甜品。白酒/蕃茄醬煮新鮮青口 （1公斤）：青口採用左新鮮波士頓青口，可以揀白酒或蕃茄煮，我地揀左蕃茄，份量有成煲咁多呀，大小剛剛好，蕃茄味道香濃，有輕輕嘅蒜香味，入口鮮甜，非常惹味，食晒d青口後仲可以用多士黎點淨返嘅汁食添，簡直係完美嘅配搭呀。英式炸魚薯條 ：魚柳好大塊，做法相當正宗，炸得非常香脆，肉質相當嫩滑，薯條方面係幼薯條，入口香脆，令人一條一條咁食過不停。至於醬
今日黎到赤柱玩，記得網上有人介紹一間名為地標之一嘅黃屋餐廳，難得平日唔係太多人等位，就打算黎坐下食個lunch啦。
餐廳共有3層，有分室內座位同埋露台位，由於今日天氣好又未係太熱，我地揀左坐頂層嘅露台位。
餐廳環境開揚，裡面相當好光猛，露台位仲可以望到海景，真係好寫意，打卡一流呀！
餐牌上選擇非常多，食物方面除左set lunch之外，仲有brunch類，飯，意粉，pizza，魚同扒類，小食及甜品。至於飲品，除左有咖啡，茶，果汁，汽水，smoothies之外，仲有各式各樣嘅酒精飲品。
由於set lunch 唔係太啱口味，我地選擇散叫，揀左一個頭盤，一個小食同一份甜品。
白酒/蕃茄醬煮新鮮青口 （1公斤）：青口採用左新鮮波士頓青口，可以揀白酒或蕃茄煮，我地揀左蕃茄，份量有成煲咁多呀，大小剛剛好，蕃茄味道香濃，有輕輕嘅蒜香味，入口鮮甜，非常惹味，食晒d青口後仲可以用多士黎點淨返嘅汁食添，簡直係完美嘅配搭呀。
英式炸魚薯條 ：魚柳好大塊，做法相當正宗，炸得非常香脆，肉質相當嫩滑，薯條方面係幼薯條，入口香脆，令人一條一條咁食過不停。至於醬汁，除左有茄汁同他他醬之外，仲有青豆蓉，相當特別。
French toast：
港式西多平時就食得多，正宗西多就唔多機會食。呢度嘅french toast 係用 Brioche bread整成，一份有四件，每件都好厚身，食落軟淋淋，有輕輕嘅蛋香同肉桂味，仲配有香蕉，士多啤梨，藍莓，朱古力醬同雪糕，呢個配搭，吸睛之餘仲令人食得開胃添。
呢度環境優美，近海可以吹下海風又有靚景，食物同服務都唔錯，平日唔多人又唔洗趕住埋單，真係可以係度坐一個下午呀。
張貼
