影片
更多
2017-07-17
422 瀏覽
週四晚收工同朋友黎左尖沙咀呢間海鍋打邊爐，睇番之前啲評語唔錯架。本來都搵唔到餐廳位置，好在大廈入口有塊banner，我地先見到。餐廳位置非常闊落，近門口位置主要係大枱，裡面主要係細枱，仲有唔少卡位，坐得舒服。因為我地收工時候都唔早，加上係平日，客人就唔多，坐低冇耐店員就好快遞上醬油，醬料每位$15，應有嘅都有齊。特別一讚係枱面有埋USB充電，方便我地呢啲機不離手嘅人。餐牌選擇豐富，單係湯底都有15款，定價$78-238，例如有白玉花膠鍋、四川麻辣鍋、火焰青酒花蛤鍋、龍蝦湯鍋等。配料方面都相當豐富，牛、豬、手工丸類、刺身、海鮮、餃子、蔬菜、麵食都有齊，價錢合理。仲有十款前菜小食，本來我地想點「即爆燒肉」試下，可惜店員話賣哂，唯有下次啦。飲品方面除左汽水，有沙冰及涼茶。原來佢地火鍋有套餐可選，我地留意唔到，所以全部單點，如果點套餐會抵食啲呢！人頭 $268/$328，包湯底、海鮮、多款配料，睇番都幾抵食，而且新張期內，9:30pm後入底仲有折。（不過冇寫做到幾時，自己問清楚）蕃茄薯仔牛腩湯鍋 $138本來見龍蝦湯鍋同蕃茄薯仔一樣價錢，掙扎揀邊款好，最終都係揀左後者。純粹心理上好少見火鍋店蕃
餐廳位置非常闊落，近門口位置主要係大枱，裡面主要係細枱，仲有唔少卡位，坐得舒服。
因為我地收工時候都唔早，加上係平日，客人就唔多，坐低冇耐店員就好快遞上醬油，醬料每位$15，應有嘅都有齊。
特別一讚係枱面有埋USB充電，方便我地呢啲機不離手嘅人。
餐牌選擇豐富，單係湯底都有15款，定價$78-238，例如有白玉花膠鍋、四川麻辣鍋、火焰青酒花蛤鍋、龍蝦湯鍋等。
配料方面都相當豐富，牛、豬、手工丸類、刺身、海鮮、餃子、蔬菜、麵食都有齊，價錢合理。仲有十款前菜小食，本來我地想點「即爆燒肉」試下，可惜店員話賣哂，唯有下次啦。飲品方面除左汽水，有沙冰及涼茶。
原來佢地火鍋有套餐可選，我地留意唔到，所以全部單點，如果點套餐會抵食啲呢！
人頭 $268/$328，包湯底、海鮮、多款配料，睇番都幾抵食，而且新張期內，9:30pm後入底仲有折。（不過冇寫做到幾時，自己問清楚）
蕃茄薯仔牛腩湯鍋 $138
本來見龍蝦湯鍋同蕃茄薯仔一樣價錢，掙扎揀邊款好，最終都係揀左後者。
純粹心理上好少見火鍋店蕃茄薯仔湯鍋定價過百，加上見有牛腩，應該味道會唔錯，所以點黎試試，不過有少少失望。
湯底茄味唔算好澎湃，未見濃郁，味道偏酸，後來淥左配料中和番，會好啲。
但牛腩嘅份量真係有點少，大概有四小片，都夠腍身，但唔會覺得好特別，建議可選其他湯底。
唯一好處係應該味精唔多，至少冇愈食愈鹹
蕃茄薯仔牛腩湯鍋
$138
12 瀏覽
0 讚好
0 留言
蕃茄薯仔牛腩湯鍋
$138
11 瀏覽
0 讚好
0 留言
手切肥牛 $188
推介手切牛，肥脂分佈平均，肉質嫩腍，而且厚身，唔係紙皮牛嘅口感，相當有水準
手切肥牛
$188
17 瀏覽
0 讚好
0 留言
手切肥牛
$188
17 瀏覽
0 讚好
0 留言
海鮮類選擇頗多，有大肉蟹、乳龍蝦（唔貴，每隻$180）、元貝、蝦、鮑魚、蟶子等。
圍蝦 $78/8隻
圍蝦嘅造型幾靚，哈哈，個個爭住影相。蝦肉新鮮彈牙，而且size唔細，都係必點之列
圍蝦
$78
9 瀏覽
0 讚好
0 留言
沙白蜆 $38
另外我打邊爐見到有蜆又係必點，因為個人就係蜆控，沙白都幾大粒，乾淨冇沙，仲有海水鹹味，打邊爐鮮甜無比
沙白蜆 $
$38
16 瀏覽
0 讚好
0 留言
象拔蚌仔 $30/隻
見唔係好貴，我地就點埋象拔蚌試下，新鮮爽口，淥一淥食得。
象拔蚌仔
$30
13 瀏覽
0 讚好
0 留言
爵士肉丸 $38/半份
彈牙蝦丸 $42/半份
手打丸類一律分半份/全份，人少都唔怕份量太多，我地揀左兩款，各半份。
爵士肉丸好特別，混入餐肉呢，彈牙味道又夠突出
蝦丸中規中矩，唔算好鮮味，但都彈牙，可見係新鮮野。
爵士肉丸、彈牙蝦丸
17 瀏覽
0 讚好
0 留言
自家製原隻鮮蝦雲吞 $48/半份
雲吞淥完都仲好大粒，蝦味突出，不過價錢略貴。
自家製原隻鮮蝦雲吞
$48
11 瀏覽
0 讚好
0 留言
墨魚滑 $78
墨魚滑好食，份量適中，價錢同一般火鍋店差不多，但呢度嘅配料都真係幾新鮮。
墨魚滑
$78
8 瀏覽
0 讚好
0 留言
油炸鬼 $18
非常香脆嘅油炸鬼，唔會太油膩，打邊爐一流。
油炸鬼
$18
17 瀏覽
0 讚好
0 留言
冬瓜片 $30
油麥菜 $32
冬瓜片
$30
12 瀏覽
0 讚好
0 留言
油麥菜
$32
10 瀏覽
0 讚好
0 留言
紫貝天葵 $58
供應羅漢果茶、烏梅甘草茶同紫貝天葵。
清涼而且甜度適中，解膩而且利尿 (笑)
紫貝天葵
$58
9 瀏覽
0 讚好
0 留言
整體而言，呢間火鍋店質素唔錯呢，配料基本上都非常新鮮，而且用料都唔會曳，人均二百至三百左右，海鮮、刺身選擇多，只係我地揀嘅蕃茄薯仔鍋一般。環境舒適，特別我地平日黎，客人唔多，冷氣夠大，又有細心充電位。
店員服務更加係值得讚，當晚招待嘅呀姐好有禮，經常幫我地換置新碟、收碟（可能因為客人唔多，所以可以專心啲招呼啦，哈哈）
不過我地眼大睇過龍，臨走先見到有套餐，否則我地應該都會點餐，抵食嘛
餐牌：
張貼
