花貝日本料理 (已結業)

今日同朋友黎到銅鑼灣哩間日本餐廳食懷石料理。餐廳裝修雅致舒適，除左有睇到師傅整野食既吧枱位、卡位外，仲有兩個和式榻榻米包廂，門口更有長木凳，等位時都可以坐低休息。餐牌上面有兩款廚師發辦既懷石料理可以選擇。✨懷石料理 $688🔸先付三品（按食用先後次序排列）豚肉炒翠玉瓜蟹肉水雲高糖蕃茄配冷涓豆腐豚肉香口，肥瘦相間，配上翠玉瓜及櫻花蝦一齊食好香口；蟹肉鮮甜，水雲口感黏滑，清爽微酸；高糖蕃茄清甜，冷涓豆腐豆香突出，質感滑嫩，更淋上胡麻醬～🔸刺身五品薄切魴鮄魚 真鯛牡丹蝦岩手縣令和怪物醬油漬吞拿魚赤身薄切魴鮄魚肉質柔軟，淋上柚子汁及灑上柚子皮後清新開胃；真鯛係厚切，肉質軟腍；牡丹蝦大隻鮮甜，加上海葡萄更添口感；來自岩手縣既令和之怪物非常新鮮，味道鮮甜，加上青檸啫喱及昆布，更顯鮮美；醬油漬吞拿魚赤身採用天然野生吞拿魚，經過師傅獨家秘方進行醬油漬，食既時候唔使再加任何調味，已經好夠味～🔸一品料理（三種類）西京燒銀鱈魚天婦羅煮物西京燒銀鱈魚魚肉滑嫩，富奶油香；天婦羅有鮮蝦、雞髀菇、南瓜、蕃薯同粟米芯，炸皮薄而香脆；煮物有雞髀菇、雞肉、豆腐、南瓜同蘿蔔，煮得非常入味。🔸食事：海膽丼哩個海膽丼真係超正，