Y Pasta

呢間餐廳嘅Brunch 選擇幾吸引，有沙律、pizza、軟包揀，當然唔少得呢度嘅手工意粉🍝假日brunch $148起。第一個Brunch Set $178，揀了手工法式洋蔥湯、手製絲帶意粉Bolognese醬汁，飲品紅葡萄汁。法式洋蔥湯🧅手工製作，加上芝士，味道比較濃郁；手製絲帶意粉配經典Bolognese醬，意粉煙煙韌韌。紅葡萄汁夠濃。第二個Brunch Set $258，揀了黑松露蘑菇忌廉湯（升級酥皮湯）、半隻燒波士頓龍蝦🦞配手製戒指意粉配忌廉龍蝦汁，飲品係焙茶拿鐵。酥皮湯新鮮焗起好香脆，黑松露蘑菇湯夠香濃。意粉方面，龍蝦新鮮爽口，手製戒指粉有口感，配上BB蘆筍。飲品焙茶拿鐵☕️，焙茶味香濃，口感細滑，仲有靚靚拉花。兩個Set 都係手工意粉，而且用料唔馬虎，值得一試。