影片
更多
2019-02-14
2186 瀏覽
喺圓方食野選擇唔算多，而且價錢都偏貴。知道呢間日本開過黎嘅餐廳嘅經營權比左大集團，品質應該有啲保證掛。雖然冇喺日本食過，但即管去呢度試下。呢度環境幾好，啲位好闊，枱同枱之間都好闊落，坐得好舒服。呢度服務態度基本上都唔錯，唔會黑口黑面或者窒人，好夠人所以多數即叫即到，又會成日加茶，算係異於大集團旗下嘅大部分餐廳😂 食物黎講，幾好食，啲野都新鮮，又比得好大份。當然佢收嘅價錢一啲都唔平😂 小編會覺得貴左啲。但計埋地段同環境都算燉翻個勻。海鮮丼二百尾，新鮮，但海鮮份量少左啲，一定唔夠餸佢比嘅飯量😂芝士玉子冇咩芝士😂 不過好味嘅，唔會太甜，好香。天婦羅係其中一樣呢度出名嘅菜式，不負眾望。炸得啱啱好，唔會燶同太油，而且好香。啲料都好多，有海鮮有菜蔬，好新鮮同大份。豚肉丼就好大碗，豚肉有好多塊，都幾厚同鬆軟，不過就老左少少，而且成碗野都出奇地熱，連個碗都好辣手😂呢個燒肉定食唔錯，牛有得揀十勝定和牛，但嗰日十勝冇貨 肉唔多，而且唔大塊。啲牛略嫌油，雪花太多，仲要有塊脂坊喺個爐上面，有啲膩同滯。 不過個定食嘅炊飯好好食😂 但呢個要三百幾，貴喺啲牛度，值唔值得叫就見仁見智。整體都唔錯嘅，真係坐得舒服，野食
呢度環境幾好，啲位好闊，枱同枱之間都好闊落，坐得好舒服。
呢度服務態度基本上都唔錯，唔會黑口黑面或者窒人，好夠人所以多數即叫即到，又會成日加茶，算係異於大集團旗下嘅大部分餐廳😂
食物黎講，幾好食，啲野都新鮮，又比得好大份。當然佢收嘅價錢一啲都唔平😂 小編會覺得貴左啲。但計埋地段同環境都算燉翻個勻。
海鮮丼二百尾，新鮮，但海鮮份量少左啲，一定唔夠餸佢比嘅飯量😂
芝士玉子冇咩芝士😂 不過好味嘅，唔會太甜，好香。
天婦羅係其中一樣呢度出名嘅菜式，不負眾望。炸得啱啱好，唔會燶同太油，而且好香。啲料都好多，有海鮮有菜蔬，好新鮮同大份。
豚肉丼就好大碗，豚肉有好多塊，都幾厚同鬆軟，不過就老左少少，而且成碗野都出奇地熱，連個碗都好辣手😂
呢個燒肉定食唔錯，牛有得揀十勝定和牛，但嗰日十勝冇貨 肉唔多，而且唔大塊。啲牛略嫌油，雪花太多，仲要有塊脂坊喺個爐上面，有啲膩同滯。 不過個定食嘅炊飯好好食😂 但呢個要三百幾，貴喺啲牛度，值唔值得叫就見仁見智。
整體都唔錯嘅，真係坐得舒服，野食黎得幾快😂 侍應唔會催人走，同朋友慢慢食都冇問題。
張貼
