Meowtini Cat cafe & Bar

營業中

休息中

最近去咗呢間旺角樓上貓Cafe，環境、貓咪、食物質素都滿意，如果聚會想食吓嘢又有貓貓玩，記得要book埋呢一間😛餐廳有10幾廿隻貓，有幾隻貓貓都幾親人，會食食吓嘢走過嚟😺餐廳都打理得OK，唔會有臭味，都冇貓毛飛來飛去，感覺好乾淨。可以買貓嘅食物，吸引貓咪過嚟同你影相😹見到人哋比一堆貓咪圍住都幾搞笑。食物方面叫左一個晚餐，有雜菜沙律配柚子油醋汁，主食揀左輕煎日本帶子咸蛋黃烤南瓜意大利飯，呢個都幾有誠意，整成貓貓趴喺度的形狀。另一個主食叫咗蛋黃汁卡邦尼意大利粉，卡邦尼醬汁係偏稀嗰一種，味道正常。飲品加錢叫咗特飲，分別係冰濃厚朱古力和山政小山園焙茶，焙茶有貓貓嘅拉花圖案，好可愛！味道都好好飲，充滿焙茶香味。甜品叫咗一個軟心巴斯克焦香芝士蛋糕，味道都唔錯，芝士味香濃，不過就等得比較耐，建議早少少叫。