OKA'S

營業中

休息中

OKA'S一睇就知係主打賣飯糰的小店，據我觀察店內由一名日籍店長主理，其餘大部份員工均以本地人為主。小店提供很多食品給顧客選擇，各種口味的飯糰／便當／炸物等等，賣相吸引，而且價錢不貴。而我就買左個Set A套餐，套餐包括任選兩款價值１０蚊的飯糰加一件自選口味的炸薯餅，可以一次過滿足三個願望，試到三樣食品。先講咖喱薯餅，雖然薯餅唔係新鮮即炸，但食落仍感受到微暖的感覺，外層炸皮仍然是脆的，內裏的咖喱香濃，充滿著日式咖喱的氣息，幾好食。飯糰方面就比較失望，首先飯糰唔暖，只是放在室溫的透明箱裏，食落既感覺已經大大扣分，如果能有暖燈保溫，我諗會比較好。帶子飯糰食唔出有帶子係裏面，就算飯慢慢咀嚼品嚐仍然食唔到有帶子既存在，而且飯糰味道十分之淡，可以不試。鰻魚飯糰的飯沒有味道，只有中空位置有少許鰻魚肉，而且份量比較少。如果要食飯糰我就建議選擇人氣ＮＯ.２的紫蘇昆布飯糰，因為朋友見我買飯糰黎食，佢又買左件，分左一部份比我食，飯糰有經過調味，味道比我食的兩款更特出，不錯。要不是咖喱薯餅及紫蘇昆布飯糰的關係，我諗只能夠俾負評。