Chatterbox Express

營業中

休息中

中秋節假期下午，天氣非常悶熱，唔想行出商場咁遠，近近地到Chatterbox Express 食個嘆個休閒午餐。Chatterbox 這間過江龍主打海南雞飯和喇沙，今次我就試吓「星級鑊氣系列」中的海鮮炒貴刁，嘗嘗平民的星級味道。另外叫了一杯Chatterbox 的signature drink 凍美祿恐龍，緬懷一下從前飲美祿的青蔥歲月。等了5分鐘服務員就送上食物和飲品。天氣太熱，所以先飲美祿，不錯不錯，味道濃郁、甜度適中，又有脆脆波波，不論大人小朋友都會喜歡。跟著試下貴刁，第一啖發覺無味，以為自己搞錯，再試，原來炒得不均勻，有D無味，有D又過鹹，而且不夠鑊氣，無東南亞黑醬油獨有的風味，可取之處是在面頭的脆魚仔，為整碟貴刁補番幾分。跟著想加少少辣醬補返，但跟餐的是辣椒加本地生抽，有D後悔無跟大隊揀喇沙。下次試其他招牌菜，希望味道會好D。