影片
更多
2023-05-04
1565 瀏覽
主打牛扒薯條法式餐廳，裝修氣氛都勁啱慶祝、紀念日，晚飯４人或以下需要Walk In，齊人先可以入座。🥩Trimmed USDA Prime Steaks with Special House Sauce & French Fries $398★★★★☆呢到主菜只有一款，主打牛扒加無限任添薯條，只需係揀幾成熟。餐前有法國麵包，再有合桃沙律，啲菜幾新鮮，加埋酸酸地醬汁，清新開胃。主菜牛扒係用美國USDA Prime級肉眼牛扒配即炸熱辣辣脆薯條，牛扒叫左medium熟度剛好，肉味算濃都Juicy，有啲啲濃邊位幾香口，口感都係軟稔，某啲位差啲有筋，整體唔錯。大家可以配番佢地特調芥末醬，應該加左奶油之類，食落有啲油膩，個人一般般，比較鍾意單食。薯條第一啖食幾有驚喜，食落有啲牛香，夠哂香脆，但越食越覺得咸。期間侍應都有問re唔refill薯條，但本身份量都偏多食唔哂。整體食落唔差，但係太寡只得牛扒，同埋食多幾舊就覺得太膩，而薯條又太咸。因為朋友生日，叫左個朱古力蛋糕兼叫佢地寫字，上枱個陣會餐廳轉埋歌同有店員一齊唱法文生日歌，幾有氣氛。蛋糕係黑朱古力，唔會太甜，但唔算好濃味，整體都唔錯。🌟總括：整體
主打牛扒薯條法式餐廳，裝修氣氛都勁啱慶祝、紀念日，晚飯４人或以下需要Walk In，齊人先可以入座。
🥩Trimmed USDA Prime Steaks with Special House Sauce & French Fries $398★★★★☆
呢到主菜只有一款，主打牛扒加無限任添薯條，只需係揀幾成熟。餐前有法國麵包，再有合桃沙律，啲菜幾新鮮，加埋酸酸地醬汁，清新開胃。
主菜牛扒係用美國USDA Prime級肉眼牛扒配即炸熱辣辣脆薯條，牛扒叫左medium熟度剛好，肉味算濃都Juicy，有啲啲濃邊位幾香口，口感都係軟稔，某啲位差啲有筋，整體唔錯。大家可以配番佢地特調芥末醬，應該加左奶油之類，食落有啲油膩，個人一般般，比較鍾意單食。
薯條第一啖食幾有驚喜，食落有啲牛香，夠哂香脆，但越食越覺得咸。期間侍應都有問re唔refill薯條，但本身份量都偏多食唔哂。整體食落唔差，但係太寡只得牛扒，同埋食多幾舊就覺得太膩，而薯條又太咸。
因為朋友生日，叫左個朱古力蛋糕兼叫佢地寫字，上枱個陣會餐廳轉埋歌同有店員一齊唱法文生日歌，幾有氣氛。蛋糕係黑朱古力，唔會太甜，但唔算好濃味，整體都唔錯。🌟總括：整體不錯，但未必會再黎。此終牛扒未去到好高水準，食物太過於單一，但如果未食過呢間可以一試。
張貼
