影片
更多
2022-12-07
497 瀏覽
京都一の傳🎎🎏🐣有日約咗個朋友仔諗住揾間有feel嘅日本餐廳坐低，傾吓計食吓好西，搵搵下就發現咗呢一間日本餐廳🥹環境相對上真係幾舒服，真係去咗日本旅行咁，但係食物方面嘅性價比就無想像中咁高🤦🏻♀️🍲韓式黑豚泡菜鍋 $178一打開個餐牌，因為本身我食唔到牛同生冷野，餐牌入邊嘅選擇可以話少咗大半😭 咁呢個煲如果要同韓國餐廳比，佢就會偏清淡少少，啲豬都係得幾塊😂仲要無其他配料加，就咁食一個煲係一定唔會夠飽。佢入邊會有四大舊豆腐，無中式嗰啲咁重豆味，我朋友就非常鍾意呢隻豆腐，夠滑夠嫩。🍗鹽燒雞頸肉配青瓜醋 $38呢個有驚喜！之前一直食開都係豬頸肉未試過食雞頸肉，啲肉都算嫩、味道亦夠味，但最令我驚喜嘅係個青瓜醋，即刻變得勁有胃口🥹🌱汁燒大蔥雞肉 $68個汁好好味！佢燒到雞皮同埋大蔥嘅外皮都係脆卜卜，所以咬落去個口感幾好，而且大蔥索飽晒個醬汁，咬落去嗰刻係好juicy😝但係如果呢個價錢，真係會覺得係水平範圍內。🫘汁燒口揚豆腐 $28上枱嗰陣嚇親😂就係得嗰兩舊，食嗰刻會覺得係個汁救全家😅🍵鰻魚茶漬飯 $108鰻魚都燒得幾脆，但如果最後都係要倒茶食的話都係會淋哂。個茶變淡味，要撈埋啲鰻魚先叫做吊到到少
🐣有日約咗個朋友仔諗住揾間有feel嘅日本餐廳坐低，傾吓計食吓好西，搵搵下就發現咗呢一間日本餐廳🥹環境相對上真係幾舒服，真係去咗日本旅行咁，但係食物方面嘅性價比就無想像中咁高🤦🏻♀️
🍲韓式黑豚泡菜鍋 $178
一打開個餐牌，因為本身我食唔到牛同生冷野，餐牌入邊嘅選擇可以話少咗大半😭 咁呢個煲如果要同韓國餐廳比，佢就會偏清淡少少，啲豬都係得幾塊😂仲要無其他配料加，就咁食一個煲係一定唔會夠飽。佢入邊會有四大舊豆腐，無中式嗰啲咁重豆味，我朋友就非常鍾意呢隻豆腐，夠滑夠嫩。
🍗鹽燒雞頸肉配青瓜醋 $38
呢個有驚喜！之前一直食開都係豬頸肉未試過食雞頸肉，啲肉都算嫩、味道亦夠味，但最令我驚喜嘅係個青瓜醋，即刻變得勁有胃口🥹
🌱汁燒大蔥雞肉 $68
個汁好好味！佢燒到雞皮同埋大蔥嘅外皮都係脆卜卜，所以咬落去個口感幾好，而且大蔥索飽晒個醬汁，咬落去嗰刻係好juicy😝但係如果呢個價錢，真係會覺得係水平範圍內。
🫘汁燒口揚豆腐 $28
上枱嗰陣嚇親😂就係得嗰兩舊，食嗰刻會覺得係個汁救全家😅
🍵鰻魚茶漬飯 $108
鰻魚都燒得幾脆，但如果最後都係要倒茶食的話都係會淋哂。個茶變淡味，要撈埋啲鰻魚先叫做吊到到少少味，我最後要落埋wasabi先叫做有啲味道。
🍰朱古力熔岩蛋糕配雪糕 $88
成餐飯食得最開心嘅就係呢個甜品
😂佢真係好味過好多甜品店，雖則佢係一個無做到流心嘅心太軟，但係個蛋糕幾乎係入口即溶，配埋啲濃郁嘅朱古力真係世一。而個抹茶雪糕唔會因為食完個朱古力而蓋咗浸味，反而清清甜甜嘅感覺好似去咗膩感。
張貼
