星怡 (已結業)

放假陪丫妹出尖沙咀睇包包, lunch去咗附近isquare兜下, 發現新開咗間新加坡菜餐廳, 有新野當然有興趣一試。餐廳以粉藍色做主調, 自然光從窗口透入, 令整個環境更光猛舒適。多款新加坡菜式選擇, 而其中最有特色就係咖吔多士, 分別有三種口味, 包括: 斑蘭、蛋黃、榴槤。【南洋咖吔多士(榴槤)】HK$48多士外層烘至金黃酥脆, 夾住榴槤醬同埋薄得黎有d厚度嘅牛油, 入口微微酥脆中再有軟滑醬汁牛油漏出, 榴槤味冇預期中咁濃郁 (同行朋友對榴槤味比較抗拒都唔太聞到), 不過入口係食到清香榴槤味。【新加坡鮮蝦喇沙麵】HK$88喇沙麵不是地道兩溝麵底嘅滲滲, 只有偏林嘅油麵做底, 呷一口湯底, 有陣陣椰奶香兼微辣惹味; 有大概五隻原隻白灼蝦, 鮮甜爽口; 再配有彈牙魚片、索咗湯底精華嘅豆卜, 同埋半隻流心黃滑蛋, 正~【新加坡海南雞飯】HK$88海南雞好厚肉, 雞皮肉質鮮嫩而且冇肥油層。油飯尚算香口, 另配有清湯。【新加坡香辣魚蛋】HK$48魚蛋口感幾彈牙, 但辣醬偏鹹多過辣。