影片
更多
2024-07-11
233 瀏覽
真係好鬼熱呀！咁hot既天氣令人頂唔順一定要去食返個涼陣陣既刨冰消下暑先得我去左位於厚福街呢間糖水舖，佢地主打多款仙草甜品同雪花冰🍧裝修簡約，座位亦唔算好多 香草芒果奶蓋雪花盛盤 ＄９８雪花冰係嫩仙草味道 入口即溶，仙草味唔算好濃厚 唔太甜 。入面有一絲絲仙草，食到佢軟綿綿既質感😋配奶蓋、香草雪糕、芋圓、芒果粒粒同倒埋芒果醬連雪花冰一齊食更加美味！食到最底仲有大大塊仙草，口感非常嫩滑，呢樣幾有驚喜另外仲有個細碗仔裝住一小份芋圓同紅豆蓉，紅豆味道香甜。芋圓大大粒，真材實料 煙靭勁有口感！❤️朋友叫左 抹茶米麻糬嫩仙草盛盤 ＄５６ （追加桃膠+5）裡面有紅豆、仙草、薏米、綠茶雪糕加埋桃膠同錬奶食多左一份層次感細碗仔上面裝住既係紫米而唔係紅豆，同我果份唔一樣鍾意食仙草既朋友仔推薦你去試下啦!
一定要去食返個涼陣陣既刨冰消下暑先得
我去左位於厚福街呢間糖水舖，佢地主打多款仙草甜品同雪花冰🍧裝修簡約，座位亦唔算好多
香草芒果奶蓋雪花盛盤 ＄９８
雪花冰係嫩仙草味道 入口即溶，仙草味唔算好濃厚 唔太甜 。入面有一絲絲仙草，食到佢軟綿綿既質感
😋配奶蓋、香草雪糕、芋圓、芒果粒粒同倒埋芒果醬連雪花冰一齊食更加美味！
食到最底仲有大大塊仙草，口感非常嫩滑，呢樣幾有驚喜
另外仲有個細碗仔裝住一小份芋圓同紅豆蓉，紅豆味道香甜。
芋圓大大粒，真材實料 煙靭勁有口感！❤️
朋友叫左 抹茶米麻糬嫩仙草盛盤 ＄５６ （追加桃膠+5）
裡面有紅豆、仙草、薏米、綠茶雪糕加埋桃膠同錬奶食多左一份層次感
細碗仔上面裝住既係紫米而唔係紅豆，同我果份唔一樣
鍾意食仙草既朋友仔推薦你去試下啦!
張貼
