黑龍

營業中

休息中

雖然岩岩去完日本，但已經好挂住日本D拉麵。最近就去左位於灣仔既【黑龍拉麵】，拉麵店係日本人主理同師傅都係日本人（都有香港人），而【黑龍拉麵】係源自沖繩那霸既【夢ノ弥】。就算平日夜晚都要排隊，而且座位比較少、不過人流都幾快，所以15分鐘左右就有位。 白鷄鹽味拉麵：白鷄非常濃厚，膠原蛋白滿滿，就算飲多幾啖都唔會覺得好鹹。麵、配料等等都可以自己選擇（軟硬度、走某D配料）。基本麵質地軟硬適中，而且叉燒係肌肉叉燒，非常特別。比較鍾意清淡可以叫呢款。 牛筋black沾麵（大）：可以自己選擇大小，同麵要凍定熱。我就選擇左凍，麵條非常粗、而用既麵粉感覺都同其他一般沾麵唔同，麥味香、非常有咬口。而牛筋black湯底係黑椒魚介湯，濃厚惹味，而且都有好多軟嫩牛筋。重口味必試！ 餃子：新鮮煎起，皮薄餡多。有少少爆汁，不錯。 燒魷魚一夜干：分量都算好多，而且唔係出面普通既魷魚乾，裏面肉都少少軟，調味鹹鹹甜甜，推薦。 鷄皮餃子：非常特別，餃子皮係用鷄皮代替，香脆juicy。 炸鷄：新鮮炸起，皮脆柔嫩。