越男仔 (已搬遷) 新店位置

今晚同男朋友喺旺角睇完戲，就睇下附近有咩好食，見倒呢間鋪啲食物幾得意就試下。店內座位似係矮身既吧檯位，座位唔多，只有廿個左右，坐低後幾分鐘已經滿哂。店主好有心機將食客網上既食評整成相掛喺牆上，睇黎個個食完都讚不絕口！餐廳提供唔同種類既越式河，除左常見既生牛肉同雞絲，仲有生蠔，沙嗲烤牛等既特式配料，另有多款小食！野飲揀左鹹檸七同青檸梳打，鹹檸七鹹甜適中，加埋冰凍既七喜，爽啊！青檸梳打夠哂有睇頭店主好有心思提供濕紙巾俾每位客人。法式芝心蝦多士，每件都釀得脹卜卜。外層炸到好脆，面層加上芝麻令味道更香，蝦膠好爽口加埋洗心既芝士，必食推介！跟住要左越男仔四色檬紙卷，分別係海膽，三文魚，沙嗲烤牛同手撕雞口味，除左手撕雞，其餘全部都係第一次試！沙嗲烤牛好香花生味，估唔倒同米紙卷咁夾，內裏都好足料！招牌椰汁酸湯滑雞湯檬，椰汁酸湯飲落酸酸地，中和番椰汁既飽肚感，好開胃淨係個湯底都值得再黎！雞肉係用咖哩粉醃過，可以辟去雪味，而且咖哩同椰汁味都好夾。店內有電視播放住關於店鋪既訪問，原來鋪內既侍應就係老細之一，見倒佢好細心同客人介紹每道菜，仲會問食後意見，感覺到老細好有心經營，所以決定一定要再幫襯！