壹玖捌叁

營業中

休息中

好想嚟呢度食晚飯好耐了，聽講有好多出名的特色小菜，一於帶另一半食生日飯🤩🤩知道有D菜式係要預訂的，兩個人，一於訂「不得鳥」試吓，雖然佢嘅賣相唔係咁吸引，但係當用刀切開嘅時候，濃郁嘅汁仲有鮑魚海參，即刻湧現出來，有驚喜，而且乳鴿已經去骨了非常有心思！因為天氣太熱，我哋叫了一個醒胃嘅小吃「麻辣墨魚頭」，辣到剛好，香料配菜略為多咗少少，墨魚頭肉好爽！之後我哋每人叫了一個湯，「蟹肉竹笙煲仔翅」「佛門素菜羹」，雖然只係一人份量啦，用料上乘，翅唔少噃喜歡食素嘅我，當然要選擇一款素食，師傅刀工唔錯，每粒大小相若「鮑魚雞煲」用料十足，雞肉較熟，總括不過不失我哋唔想食白飯，又唔想食普通炒飯冇新意，所以叫咗「海皇野菌炒洋薏米」，比想像中好味，色香味俱全當然最後叫咗兩個甜品啦，咁就最完美啦！