Samsen 泰麵

營業中

休息中

聽朋友介紹係灣仔藍屋附近有間泰國餐廳拎過米芝連推介，而且價錢唔太貴，個日去開嗰頭就決定去試吓。招牌泰式和牛濃湯河湯底的確係充滿濃濃嘅牛肉味，少少辣好易入口，生牛肉煮得啱啱好，咬落好軟身，手打牛丸好彈牙爽口，佢調味用左好多香料，非常有泰國風味，河粉亦都吸收到湯嘅精華，最鐘意係旁邊炸嘅脆脆伴菜，食落好香口！椰子雪糕呢個甜品真心有驚喜，雪糕帶著啖啖椰子清香，口感似雪芭但非常清新，配合表面嘅花生、粟米以及椰子肉層次更豐富，令人耳目一新。