更多
2023-04-19
1423 瀏覽
餐廳：牧羊少年與他的浮萍 (尖沙咀)地址：尖沙咀梳士巴利道10號香港文化中心地下為咗紀念牧羊少年 @thealchemistcafehk 第一間店開業到依家10周年，少年上年7月喺尖沙咀香港文化中心地下開咗第9間分店——牧羊少年與他的浮萍 @barlemna ，「他的浮萍」寓意在希望牧羊少年可以保持同埋回憶返10年前開店嘅初衷，尋回根本🍀集合咗餐廳、酒吧同文化展覽為一體嘅全新概念店，餐廳劃分咗多個區域，每一個位置都喺文青打卡位，無論你喺度想飲杯咖啡☕️、想飲杯靚酒🍷、想睇吓書📖、純粹Hea吓食吓嘢🍰、抑或進行文化交流，呢度都一樣歡迎同適合👍餐廳仲刻意配合香港文化中心同初衷，將呢度打造成文化集中地，不定時同唔同文化團體合作舉辦活動🎭，例如畫展🎨、攝影展📸、座談分享會、音樂會🎼，俾你喺度有一個與別不同嘅體驗——其實除咗食嘢飲嘢，文化喺可以融入我哋生活當中同我哋共存✝️慢煮豚五花迷你漢堡配配波本威士忌燒烤醬 $118一客有三件嘅迷你漢堡🍔，用咗法國布里歐麵包(Brioche)去整，外層金黃酥脆而內層柔軟，加咗波本威士忌燒烤醬同蔬菜去配搭返邪惡嘅慢煮豚五花🐷，一方面減低油膩感，另一方面提升咗唔少豚
地址：尖沙咀梳士巴利道10號香港文化中心地下
為咗紀念牧羊少年 @thealchemistcafehk 第一間店開業到依家10周年，少年上年7月喺尖沙咀香港文化中心地下開咗第9間分店——牧羊少年與他的浮萍 @barlemna ，
「他的浮萍」寓意在希望牧羊少年可以保持同埋回憶返10年前開店嘅初衷，尋回根本🍀
集合咗餐廳、酒吧同文化展覽為一體嘅全新概念店，餐廳劃分咗多個區域，每一個位置都喺文青打卡位，無論你喺度想飲杯咖啡☕️、想飲杯靚酒🍷、想睇吓書📖、純粹Hea吓食吓嘢🍰、抑或進行文化交流，呢度都一樣歡迎同適合👍
餐廳仲刻意配合香港文化中心同初衷，將呢度打造成文化集中地，不定時同唔同文化團體合作舉辦活動🎭，例如畫展🎨、攝影展📸、座談分享會、音樂會🎼，俾你喺度有一個與別不同嘅體驗——其實除咗食嘢飲嘢，文化喺可以融入我哋生活當中同我哋共存
✝️慢煮豚五花迷你漢堡配配波本威士忌燒烤醬 $118
一客有三件嘅迷你漢堡🍔，用咗法國布里歐麵包(Brioche)去整，
外層金黃酥脆而內層柔軟，加咗波本威士忌燒烤醬同蔬菜去配搭返邪惡嘅慢煮豚五花🐷，一方面減低油膩感，另一方面提升咗唔少豚肉香，就算成舊五花腩食晒都唔會膩
✝️烤義式時令海鮮拼盤 $298
呢個拼盤有5款海鮮，
包括肉質肥美、鮮蝦味十足嘅虎蝦🦐；
焦香彈牙又飽滿嘅帶子；
新鮮唔腥、皮脆肉嫩滑嘅鱈魚🐟；惹味多汁、鮮甜無沙嘅蜆肉；同埋煙韌爽口嘅魷魚圈🦑。所有海鮮都燒烤同調味過，喺原汁原味當中增添咗啲色彩同味道，仲有蔬菜同烤薯仔為伴菜🥔，唔知你又啱唔啱食呢🤓
✝️覆盆子奶油霜配糖漬草莓及蛋白脆餅 $98
未食都已經覺得吸引😍，粉紅色嘅覆盆子奶油霜，底層放咗一球雲呢拿雪糕🍨，加上糖漬過嘅士多啤梨🍓、紅莓乾同口感獨特嘅蛋白脆餅，甜而不溜，多重口感混合成豐富嘅滋味。
食呢個甜品配埋杯Cafe Latte($44)就最適合不過，除咗有靚靚拉花之外，杯上仲印有「10th Anniversary」嘅字眼添🎊
張貼
