伽倻韓國餐廳 (已搬遷) 新店位置

對於食韓燒我都係覺得好一般唔算興趣太大,可能覺得又燒野又好多肉..唔係太喜歡.不過每次去食韓燒...我最喜歡就係叫一碗飯..因為我喜歡食佢地既豉油..覺得甜甜地好好味..配飯就一流.基本上銅鑼灣好多既韓國餐廳我地都試過...仲有就係此店未試過,所以上星期四就去試下....不過此店人唔算好多...所以安排d位置都幾舒服...佢地都有提供d2人套餐..不過我計過同散叫都無咩分別只係多左個雪糕&水果...所以最後我地都係散叫就算.2個人叫左個雞肉, 牛肋骨, 泡菜豬肉煎餅, 一個白飯&一藍生菜用來包d燒肉食...原來d燒肉包埋d生菜又幾好味...好似無咁油膩.不過此店d牛肋骨真係唔錯好好味, 估唔到連佢地d雞肉醃左都好好味...唔好見到個煎餅紅卜卜以為好辣...其實一d都唔辣好香口.不過此店既前菜就非常一般唔算特別好味呀.反而我個人喜歡去回莊園/韓雅林多d...