牛知己 (已結業)

🫕人總係失去咗先會珍惜⋯最近一大放題烤肉連鎖集團結業，小編先至特別想食放題邊爐⋯於是妹妹帶咗我去元朗呢間「牛知己」。我哋揀咗人氣之選嘅肉食海鮮放題。🥣湯底總有六款，其中雪濃湯及昆布湯係免費湯底。我地想食清啲所以揀咗昆布湯，意料之外昆布料足味濃。🥩肉食方面有：牛肉，豚肉及雞肉；海鮮方面：原隻白魷魚，蟹籽墨魚滑，紐西蘭半殼青口、以及大虎蝦。其中澳洲特選牛板腱及美國特產牛肉嘅肉味係最濃，但係當然唔可以同級別嘅肉類相比啦。係呢個價位算係出色。🥬有大量蔬菜及丸類可以自由選擇，更設有少量熟食及醃製品，如泡菜，雞翼，炸薯條。不過講真小編主要都係食肉，冇乜點樣食熟食及蔬菜。不過整體望落都幾新鮮。🍦甜品及飲品方面，小編推介雪糕，酸酸甜甜，唔使加任何配料已經好好味。小編妹妹更係誇張地一個人食咗三碗。🍱除咗火鍋放題，餐廳而家仲推出午市套餐，其中蕃茄特色烏冬都幾吸引。😉整體而言：1. 餐廳位置闊落，坐得舒服。2. 員工效率高，落單快，上菜快，無甩單！3. 小確幸⋯仲有得食⋯小編好滿足了牛知己 地址：元朗安寧路38號世宙商場地下26-27號舖電話：61503288營業時間：12:00-15:00；1700-22