新龍城茶樓

營業中

休息中

這家位於牛池灣村的小酒家很有風味。午飯時間去飲茶一盅兩件都幾過癮。糯米包唔係好多地方有得食，呢度竟然有就梗係要叫啦，不過味道只屬一般，佢入面嘅糯米飯唔夠香，所以味道會差少少。蝦餃嘅皮同餡味道都可以，入面隻蝦唔係唔新鮮，不過如果隻蝦可以再新鮮d再彈牙d就會更加美味。鴨腳扎味道都唔錯，舊芋頭好粉好靚，入面夾住嗰嚿肉質素都ok，腐皮都OK。碟煎腸粉好食，煎得夠香夠脆，煎到少少燶好正。山竹牛肉嘅牛肉質素都唔錯，起碼有牛肉味而唔係一嚿無肉味嘅肉團。雞絲粉卷比想像中好，不過同以前細個食過嘅味道都係有一段距離。