影片
更多
2021-02-20
1084 瀏覽
尋日系大年初七🧧，人日快樂。老公為左補償番情人節餐飯就帶左我去lunch打邊爐仲要係我一路都好想食既＃牛大人～ 而家暫時放寬左除左量體溫仲要嘟埋安心出行先安排入座。店員帶位後, 會介紹下個流程。先揀湯底, 再用QR CODE落單,另外出面有醬料區同自助食品/飲品區。 我地點左個【極上和牛吃到飽】套餐限時90分鐘（1.5小時）。上菜時間都好快。湯底都個個都好吸引, 我地就揀左【牛大人紅燒牛骨鍋】。非常入味,醬油都慳返,而且鍋入面真係有幾舊牛骨架! 由於食物方面款式比較多, 以下係我地重點推介比較好食既:⭐安格斯特選牛板腱、澳洲和牛M5牛肩卷油花分佈好平均，牛肉味濃。入口即化⭐章魚珍珠漿同蟹籽墨汁漿，彈牙爽口，咬落去有粒粒章魚架～系極上和牛吃到飽套餐先有⭐滷肉飯同出面食既好唔同，轉用左牛肉做，味道非常濃⭐魚香皮蛋豆腐上面佈滿木魚絲，皮蛋連豆腐配埋佢個醬一齊好有層次⭐鬼馬老油條向鍋到浸一，兩下咬落脆卜卜...😋⭐凍豆腐，萵荀索晒火鍋底既汁好好味⭐牛大人 自家豆腐味雪糕豆味香濃，口感幼滑。 （建議早少少去拎比啲時間攤軟）飲品方面都好特別，有一樽樽入好左既冷泡茶，味道都有幾款（菊花普洱、白桃烏龍
尋日系大年初七🧧，人日快樂。
老公為左補償番情人節餐飯就帶左
我去lunch打邊爐仲要係我一路都
好想食既＃牛大人～
而家暫時放寬左除左量體溫仲要嘟埋安心出行先安排入座。
店員帶位後, 會介紹下個流程。
先揀湯底, 再用QR CODE落單,另外出面有醬料區同自助食品/飲品區。
我地點左個【極上和牛吃到飽】套餐限時90分鐘（1.5小時）。上菜時間都好快。
湯底都個個都好吸引, 我地就揀左【牛大人紅燒牛骨鍋】。非常入味,醬油都慳返,而且鍋入面真係有幾舊牛骨架!
由於食物方面款式比較多, 以下係我地重點推介
比較好食既:
⭐安格斯特選牛板腱、澳洲和牛M5牛肩卷
油花分佈好平均，牛肉味濃。入口即化
⭐章魚珍珠漿同蟹籽墨汁漿，
彈牙爽口，咬落去有粒粒章魚架～
系極上和牛吃到飽套餐先有
⭐滷肉飯
同出面食既好唔同，轉用左牛肉做，味道非常濃
⭐魚香皮蛋豆腐
上面佈滿木魚絲，皮蛋連豆腐配埋佢個醬
一齊好有層次
⭐鬼馬老油條
向鍋到浸一，兩下咬落脆卜卜...😋
⭐凍豆腐，萵荀
索晒火鍋底既汁好好味
⭐牛大人 自家豆腐味雪糕
豆味香濃，口感幼滑。
（建議早少少去拎比啲時間攤軟）
飲品方面都好特別，有一樽樽入好左既冷泡茶，味道都有幾款（菊花普洱、白桃烏龍、洛神花茶） ，仲有紙包麥仔茶，麥香紅茶，仙草蜜，石榴汁同一般罐裝汽水比你揀；
而我自己就鐘意洛神花茶，酸酸咪咪甘又幾開胃。岩打邊爐飲!
我呢位牛女同老公兩個擦左大約20碟牛，
今餐超大滿足，真係名副其實吃到飽。
$198/位真係可以飽到你攬住個肚走。
餐廳衞生眼見到嘅都算做得OK,
每個盒都有蓋冚好晒
店員都好有禮, 會自動幫忙加湯同收起D碟，
而出面既自助區都見到有不停咁REFILL。搵日約埋朋友黎Encore先。
牛大人 master beef （荷里活商業中心分店）
📍旺角荷里活商業中心地庫
＃旺角 #牛大人 #masterbeef #台式火鍋 #吃到飽 #hotpot #打邊爐 ＃久仰大名＃台灣人氣火鍋店＃任食 #hkfoodie #foodie #ig_food
張貼
