影片
更多
2025-02-19
775 瀏覽
好耐無係呢條街搵食，之前幫襯過嘅食店原來好多已結業。所謂一鷄死就一鷄嗚，原本位置已由新嘅食店取代，就好似呢間潮汕火鍋店。兩層用餐區，樓上有大電視，仲有幅牛肉部位圖解，想食咩部位就可對號入座。多款湯底中，想試呢客牛骨湯底 ($68)，有埋蘿蔔及粟米，加多份甜味。趁湯底滾起時，黎個小食先。炸魚蛋就食得多，炸獅頭鵝肉丸 ($33)都係第一次食。口感相當彈牙，仲有肉汁，一啖一粒確係盞。食完鵝肉丸就湯底已滾起，未落料前，先飲啖湯。味道有牛骨香味，唔咸單飲都可以，自己加少少蔥粒落去就仲好飲。今晚叫咗2牛1羊，加個菜。用個架盛住上枱就慳返D位又美觀。潮汕牛肉火鍋烚肉順序一般建議從瘦到肥先由嫩肉 ($68)開始，差唔多係全紅色，白色佔極少位。快烚十零秒即可，肉質果然幾嫩滑，無脂肪食得健康。哈哈……之後到三花趾 ($78)，係前腿肌腱肉烚至轉色就可以，入口比較有彈性，筋膜位帶少少嚼口，口感幾獨特。再有蒙古羊肉片 ($68)，肉色幾靚仔又大片。烚嘅時間比牛耐少少，但入口意外地嫩滑，羊肉香味慢慢係口腔內滲出黎。而個油麥菜 ($23)，份量絶對對得起個價位。數到爽彈之丸物，點能夠錯過潮州魚蛋 ($33)?!佢
兩層用餐區，樓上有大電視，仲有幅牛肉部位圖解，想食咩部位就可對號入座。
多款湯底中，想試呢客牛骨湯底 ($68)，有埋蘿蔔及粟米，加多份甜味。
趁湯底滾起時，黎個小食先。炸魚蛋就食得多，炸獅頭鵝肉丸 ($33)都係第一次食。
口感相當彈牙，仲有肉汁，一啖一粒確係盞。
食完鵝肉丸就湯底已滾起，未落料前，先飲啖湯。味道有牛骨香味，唔咸單飲都可以，自己加少少蔥粒落去就仲好飲。
今晚叫咗2牛1羊，加個菜。用個架盛住上枱就慳返D位又美觀。
潮汕牛肉火鍋烚肉順序一般建議從瘦到肥
先由嫩肉 ($68)開始，差唔多係全紅色，白色佔極少位。
快烚十零秒即可，肉質果然幾嫩滑，無脂肪食得健康。哈哈……
之後到三花趾 ($78)，係前腿肌腱肉
烚至轉色就可以，入口比較有彈性，筋膜位帶少少嚼口，口感幾獨特。
再有蒙古羊肉片 ($68)，肉色幾靚仔又大片。
烚嘅時間比牛耐少少，但入口意外地嫩滑，羊肉香味慢慢係口腔內滲出黎。
而個油麥菜 ($23)，份量絶對對得起個價位。
數到爽彈之丸物，點能夠錯過潮州魚蛋 ($33)?!
佢地打魚蛋嘅功夫確係得，粒粒都係咁彈牙。
友人想食餃，就係呢客豬肉芹菜餃 ($33)，都幾大隻。
餃子皮偏厚身，唔怕烚到穿咗。每人食2隻都幾滋味。
有醬料費及加一收費。
張貼
