Still

營業中

休息中

Still🍽️今日嚟到呢一間西班牙餐廳同朋友撐枱腳，見到店員推介佢哋嘅Set Dinner for 2 $698 款式選擇都幾多，就決定叫呢個嚟試吓！前菜一共有九款，任揀三款，我哋就揀咗香煎慢煮八爪魚🐙（+$38）、辣肉腸鵝肝醬迷你漢堡🍔、香烤胡椒蟹肉餅🦀，我同朋友一致認為慢煮八爪魚係最值得嗌嘅，八爪魚肉質煙靭有口感，但係又唔係擦子膠咬唔開嗰隻，而且調味恰到好處！👍🏻👍🏻主菜就四款揀一款，我哋就揀咗紅酒燉牛頰卷（+$38），肉質好腍好入味，醬汁配菜方面就配搭咗澳洲茄子蓉同埋燒菠蘿🍍，令到牛肉嘅鮮味更加突出😍😍甜品就有兩款可以選擇，最後我哋就揀咗煙韌之選，黃豆粉同埋抹茶味嘅厥餅真係好好食呀！✅✅最後嚟到一間西班牙餐廳，又點可以唔試吓佢哋嘅西班牙果酒呢？佢哋嘅西班牙果酒比起出面嘅更加香濃，一路食住嘢，飲下酒同朋友傾吓偈，為我哋忙碌嘅生活帶嚟一個喘息嘅空間！😉😉總括嚟講，真係幾推薦呢間餐廳，無論環境食物都唔錯！