劉興記生煎包專門店

營業中

休息中

之前有食過沙田分店既劉興記，今日經過荃灣這間分店唔洗等位，立即入去食返客生煎包。荃灣店比較闊落，但都一定需要撘枱的。有套餐有單點，價錢平民抵食。點了兩隻招牌生煎包（$20/2隻）及蟹粉生煎包（$18/1隻） , 兩款生煎包都熱度十足，超級爆汁，皮薄，包子煎得底脆金黃，肉汁滿滿。蟹粉生煎包將蟹粉、蟹肉混合豬肉，充滿蟹皇味道，特別鮮味，灑上芝麻香蔥更添口感。小籠包更是近排新出的，一籠四隻$40, 皮薄，但又不會一夾起就穿皮，每粒都一樣充滿湯汁。招牌擔擔麵，湯底濃郁豐厚，有肉粒、櫻花蝦，花生碎及蔥花，花生味香濃帶點蝦味，亦帶微辣，細麵條有彈性，亦掛汁，十分惹味。蔥油拌麵夠乾身，沒有油淋淋的感覺，充滿醬油及麻油香。