豐盛燒鵝茶餐廳

因為疫情影響，很多食肆都做外賣自取優惠，二個人買餸煮飯都嫌浪費時間，索性買外賣返屋企食好過，老公話想食燒肉，所以去了朗屏站對出的豐盛買燒味。

燒腩仔
外皮香脆，腩肉又唔會太咸，脂肪同肉的比例平均，雖然都應該是用冰鮮豬，但完全無豬騷味，而且燒得唔會太乾。

蜜汁燒金沙骨
本來想要叉燒，但係太夜已沽清，所以就試下個燒排骨，點知有驚喜，排骨燒得香又惹味，加上蜜糖汁，提升燒烤味，而且排骨肉質腍中帶點咬口，唔會死實實，真係有肉汁，真係要必試。

薰蹄
味道正正常常，唔算特別。