影片
更多
2023-04-19
141 瀏覽
每隔一排就會想黎呢到食燒鵝，今次又帶其他朋友黎試下睇下有咩評價。一如以往，餐廳十分旺場，當日7點去到都要等一陣先可以入座。當日兩個人嗌左一個燒鵝下庄，同埋兩碗燒味瀨粉。叉燒(單拼配瀨粉$53)，叉燒係腩叉，無得指明要肥定瘦，一般都會提應半肥瘦既叉燒，鍾意食瘦叉既朋友可能要留意下。上菜時幾靚仔，有燶邊，叉燒食落重玫瑰露味，調味比較甜，肉質柔軟，肥膏位食落爽口。豉油雞(單拼配瀨粉$53)，油雞當日比左胸同翼位，雞胸入口唔會太嚡，豉油雞都有小小玫瑰露香而且幾入味。蘸雞既蔥油幾香而且唔會死咸，唔錯。燒鵝下庄($158)，燒鵝好似比以往細隻，雖然上菜時溫度微暖，鵝皮保持到香脆，肉質入口腍滑，醃料方面五香粉味比較重，燒鵝醃得入味，最鍾意食鵝背位，夠肥又夠味。除左溫度整體都保持到水準。食完唔夠喉叫多左個芒果布丁($12)，布丁入口香濃順滑，奶味足夠，芒果份量亦十分慷慨，好有驚喜私心推介。整體水準都KEEP到，唯獨當日燒鵝溫度有小小失色，相信係太多客做唔切，總括黎講係滿意既，食物選擇多，水準唔錯而且價錢抵食，餐廳除左燒味仲有小菜提供，值得回頭既一間。
當日兩個人嗌左一個燒鵝下庄，同埋兩碗燒味瀨粉。
叉燒(單拼配瀨粉$53)，叉燒係腩叉，無得指明要肥定瘦，一般都會提應半肥瘦既叉燒，鍾意食瘦叉既朋友可能要留意下。上菜時幾靚仔，有燶邊，叉燒食落重玫瑰露味，調味比較甜，肉質柔軟，肥膏位食落爽口。
豉油雞(單拼配瀨粉$53)，油雞當日比左胸同翼位，雞胸入口唔會太嚡，豉油雞都有小小玫瑰露香而且幾入味。蘸雞既蔥油幾香而且唔會死咸，唔錯。
燒鵝下庄($158)，燒鵝好似比以往細隻，雖然上菜時溫度微暖，鵝皮保持到香脆，肉質入口腍滑，醃料方面五香粉味比較重，燒鵝醃得入味，最鍾意食鵝背位，夠肥又夠味。除左溫度整體都保持到水準。
食完唔夠喉叫多左個芒果布丁($12)，布丁入口香濃順滑，奶味足夠，芒果份量亦十分慷慨，好有驚喜私心推介。
整體水準都KEEP到，唯獨當日燒鵝溫度有小小失色，相信係太多客做唔切，總括黎講係滿意既，食物選擇多，水準唔錯而且價錢抵食，餐廳除左燒味仲有小菜提供，值得回頭既一間。
張貼
