拿坡里榴蓮芝士餅 (裝修中)

👩🏻一向都係榴槤控，見到佐敦有間新開嘅爆漿流心榴蓮芝士餅，當然要買嚟試吓😍。所有食品都係即叫即制，新鮮做起熱辣辣。真係要即場食！餅皮係每日喺舖頭新鮮攪粉、發酵。焗出嚟外脆內軟。一切開真係爆曬餡，亦都有好靚嘅拉絲效果🙀。榴槤餡同芝士餡嘅味道融合埋一齊，好香好濃郁。榴槤蓉嘅比例好高，呢個價錢真係好抵食。佢哋仲有唔同款式嘅Pizza 🍕，都好值得試吓🥰。超厚嘅芝士，而且仲特別多toppings！