林記點心

營業中

休息中

今日係教大既畢業典禮 有唔少朋友同同事今日都返去 我都返去湊下熱鬧 同大家敍個舊 吃個便飯 未食飯就出發返去 去到大埔墟已經餓 就join埋個fd去大埔墟街市入面既熟食中心飲茶 之前間唔中都會食呢間野 佢係咪特別好食呢？其實唔係 選擇其實唔多 我最鐘意既奶皇包都無 點左魚翅餃 燒賣同每人一個排骨飯 魚翅餃外皮有d硬 而家都幾乾 燒賣就正正常常 無乜特別 排骨飯d排骨幾靚仔 食落都肥瘦均勻 飯既份量就唔多 一個飯碗既size 不過d米幾香 粒粒分明 加埋佢地個甜鼓油係幾好食 兩個人埋單先$75 其實食佢其中一個原因係平 而另一個原因係呢度有唔少回憶 返黎嘆杯茶懷緬過去