嚐囍煲仔小菜

營業中

休息中

成日見電視有介紹呢間，話煲仔飯好正，好多人排隊。朋友竟然book到位，咁就可以試到。臘味煲仔飯，臘腸切到好細粒，撈勻每啖飯都食到粒粒臘腸。有飯焦，係香嘅，飯有d偏硬，係ok好食，但冇媒體講到咁驚為人天。大鱔排骨煲仔飯呢個真係唔ok，應該唔會再叫。鱔好腥，重泥味道，就算排骨味道唔錯都救唔返。 最後食剩下好多。心心菜苗餃見好多人都有叫點心，而且比個名吸引咗。 原來心心係蘿蔔，哈哈。好多菜，好多蝦，蝦彈牙鮮味！ 佢令我會想再黎食點心。 最正係，夜晚都有得食點心！！炒油麥菜夠鑊氣。 椒鹽九吐魚普通，有d乾。總結： 如果有得訂位，唔使等位，會再黎。不過下次可能主打點心。