榮發大排檔

營業中

休息中

呢間大牌檔位於佐敦嘅熱門美食街，提供嘅菜式都多，每一樣都好正！今日天氣凍凍地試咗臘腸煲仔飯同蝦臘味煲仔飯🥢兩個都好香，好味😋個煲仔飯底部啱啱好焦，淋埋個豉油落去配搭埋臘味嘅香味⋯⋯成個人暖哂😌而椒絲腐乳通菜，啱啱炒得啱啱好，個腐乳味濃郁，菜唔會太軟或太硬🥢而蒜蓉開邊蝦🦐個蝦肉鮮甜，啱啱煮熟唔會過熟，夠鮮嘅味道蒜蓉嘅味道都啱啱好，冇太濃唔夠味嘅問題😋另外沙薑雞，啱啱熟嘅雞肉好嫩，沙薑味較為少淡唔係好夠味。加埋支大啤🍻風味十足總括嚟講，呢間大牌檔嘅食物獲氣夠，而且價錢都唔貴，啲哥哥仔仲好有禮貌，又好夠地道風味性價比高。如果你想試吓地道嘅香港煲仔飯，呢間大牌檔係一個好好嘅選擇。