影片
更多
2019-09-08
375 瀏覽
和老公來中央圖書館借旅遊書籍，回程時提議去天后搵食。行經電氣道，發現附近新開左間刀削麵館。細看門外餐牌，原來除了刀削麵外，店舖還有上海菜飯和小食等供應，見價錢都幾相宜，反正已經很久沒吃過刀削麵，一於試試。拉開玻璃門內進，嘩！沒想店舖竟然這般旺場，只是 12 點過外，就已經幾乎座無虛席，幸好還有兩個座位，否則就要在門外排隊輪候。先翻看餐牌，食物種類雖然不多，以麵食為主，但餸料選擇就非常豐富，另外亦有上海菜飯、一系列滋味小食和冷熱飲品等供應。餐廳主打刀削麵，一場來到，當然唔可以錯過。我哋揀左肥牛牛腩熱拌刀削麵、上海淨雲吞、越式春卷、一碟油菜，另外再加左兩杯飲品。越式春卷 ($35)，春卷用越南嘅網絲春卷皮製作，咬開一看，質感鬆化，入面的餡料有芋蓉同豬肉，食落非常香口，一點也不油膩，沾醬汁吃，酸酸辣辣，滋味無比。上海淨雲吞 ($42) 雲吞一客有 10 隻，聽店員講係每日新鮮包製，隻隻外形都脹卜卜，大大粒，夠曬飽滿，入口滑溜，餃皮不算薄，但食落幾煙韌，加上用料十足，菜同豬肉的比例啱啱好，肉餡味鮮，樸實好吃又不花巧。肥牛牛腩熱拌刀削麵 ($60) 其實店裡的刀削麵有幾種不同食法，可以揀熱湯、冷
和老公來中央圖書館借旅遊書籍，回程時提議去天后搵食。行經電氣道，發現附近新開左間刀削麵館。細看門外餐牌，原來除了刀削麵外，店舖還有上海菜飯和小食等供應，見價錢都幾相宜，反正已經很久沒吃過刀削麵，一於試試。
拉開玻璃門內進，嘩！沒想店舖竟然這般旺場，只是 12 點過外，就已經幾乎座無虛席，幸好還有兩個座位，否則就要在門外排隊輪候。
先翻看餐牌，食物種類雖然不多，以麵食為主，但餸料選擇就非常豐富，另外亦有上海菜飯、一系列滋味小食和冷熱飲品等供應。
餐廳主打刀削麵，一場來到，當然唔可以錯過。我哋揀左肥牛牛腩熱拌刀削麵、上海淨雲吞、越式春卷、一碟油菜，另外再加左兩杯飲品。
越式春卷 ($35)，春卷用越南嘅網絲春卷皮製作，咬開一看，質感鬆化，入面的餡料有芋蓉同豬肉，食落非常香口，一點也不油膩，沾醬汁吃，酸酸辣辣，滋味無比。
上海淨雲吞 ($42) 雲吞一客有 10 隻，聽店員講係每日新鮮包製，隻隻外形都脹卜卜，大大粒，夠曬飽滿，入口滑溜，餃皮不算薄，但食落幾煙韌，加上用料十足，菜同豬肉的比例啱啱好，肉餡味鮮，樸實好吃又不花巧。
肥牛牛腩熱拌刀削麵 ($60) 其實店裡的刀削麵有幾種不同食法，可以揀熱湯、冷吃、熱拌或配溫泉蛋木耳，風味不一，感覺都幾有特色。而今次我哋就揀左熱拌。麵條即叫即削，以一個闊口大碗盛上，面頭鋪滿肥牛和牛腩，份量十足。肥牛夠大塊，厚薄適中、牛腩入味軟腍。刀削麵看似很厚，但原來食落軟硬度剛好，質感彈牙煙韌、有咬口又不失香滑。
郊外油菜 ($18) 郊外油菜只有生菜可供選擇，不過味道唔錯，青綠爽脆，清清地、感覺好健康。
飲品點了凍豆漿 (+$10) 同凍香滑鴛鴦 (跟麵+$8)，豆漿甜度適中，順喉香滑，入口滿有豆香。食飽飽埋單每人都只係 80 幾蚊，經濟抵食。
張貼
