影片
更多
2023-06-21
287 瀏覽
第一次嚟蒙面食嘢，由於係星期二，所以只係排咗20分鐘，我估星期六日真係要排30至1小時先可以食到蒙面。其實我本身唔食車仔麵，因為啲料浸晒喺水入面，感覺擺咗好耐，好不新鮮，所以我對上一次係食永年車仔麵，都好幾年前。但係呢間店舖嘅花甲係偏大隻，比起東薈城花甲年華嗰間嘅花甲大隻好多，而且花甲無沙，以花甲作為車仔麵材料，真係相當吸引！另外我仲叫咗厚煎午餐肉，午餐肉煎得非常香，喺出面比較少食到又香又脆嘅午餐肉，所以極之推薦午餐肉同埋花甲。蒙面嘅靈魂應該係燒叉燒，佢嘅燒叉燒可以同大圍小館一拼高下，大圍小館已經係米芝蓮級數，非常用心製作叉燒，但呢間小店亦同樣親自燒叉燒，真係好香，而平日我係最討厭食擦子膠叉燒，因為真係好得人驚！至於銀針粉喺出面好少賣，除咗大家樂早餐有銀針粉外，但我覺得銀針粉唔值得推薦，因為佢唔夠索味，明顯我對面食緊米粉的，比較索腩汁味。呢間餐廳環境就非常一般，但真係好用心製作食物，起碼價錢合理，食物保持新鮮，亦都用咗好多風扇去吹住間餐廳，亦有三部冷氣，只係椅子真係坐得唔舒服，但我見到外面仲有好多人排隊，有啲一睇就知係熟客，會同老闆自己找錢，所以街坊們應該都鍾意食呢間蒙面。以拉麵價錢去
其實我本身唔食車仔麵，因為啲料浸晒喺水入面，感覺擺咗好耐，好不新鮮，所以我對上一次係食永年車仔麵，都好幾年前。
但係呢間店舖嘅花甲係偏大隻，比起東薈城花甲年華嗰間嘅花甲大隻好多，而且花甲無沙，以花甲作為車仔麵材料，真係相當吸引！另外我仲叫咗厚煎午餐肉，午餐肉煎得非常香，喺出面比較少食到又香又脆嘅午餐肉，所以極之推薦午餐肉同埋花甲。
蒙面嘅靈魂應該係燒叉燒，佢嘅燒叉燒可以同大圍小館一拼高下，大圍小館已經係米芝蓮級數，非常用心製作叉燒，但呢間小店亦同樣親自燒叉燒，真係好香，而平日我係最討厭食擦子膠叉燒，因為真係好得人驚！
至於銀針粉喺出面好少賣，除咗大家樂早餐有銀針粉外，但我覺得銀針粉唔值得推薦，因為佢唔夠索味，明顯我對面食緊米粉的，比較索腩汁味。
呢間餐廳環境就非常一般，但真係好用心製作食物，起碼價錢合理，食物保持新鮮，亦都用咗好多風扇去吹住間餐廳，亦有三部冷氣，只係椅子真係坐得唔舒服，但我見到外面仲有好多人排隊，有啲一睇就知係熟客，會同老闆自己找錢，所以街坊們應該都鍾意食呢間蒙面。
以拉麵價錢去食有花甲、有叉燒、有午餐肉、有雞翼、有生菜嘅銀針粉，我覺得好足料，希望第時店舖可以搬去更大嘅位置，令大家坐得更舒服，睇得出店主都好重視個人形象，因為佢個頭髮真係gel得好行😂喺咁熱嘅廚房做嘢，都注重形象，我真係好欣賞！
張貼
