影片
更多
2018-12-14
4229 瀏覽
猶記得上次對狀元九鼎湯大失所望，之後偶然都會黎食下韮菜、粟米豬肉餃過下口癮，雖然心思思想試黑白松露、松茸等口味，但自私食實在太奢侈喇，今晚就趁人齊一次過試哂全店最豪華既菜式。龍鳳松茸雙煎餃、龍鳳松茸雙灼餃 (跟湯) ($85) 8隻餃子可以揀煎、灼或湯餃，煎餃表面煎得焦脆夠香口，灼餃另上狀元九鼎湯，同印象中一樣偏淡，加左少少鹽之後先引出鮮甜葛味。所謂龍鳳松茸雙餃即黑松露、白松露口味各佔一半。 上台既時候其實好難分到邊款打邊款，後來發現黑松露味底部明顯透出黑色醬料，一入口就食到好濃郁獨特既黑松露味，同肉鮮味混和之後幾有新鮮感。 白松露就第一次試，味道比前者溫和唔會太搶味，但又有松露既香氣，個人幾鐘意。 可能男女口味唔同，一行四人投票二選一，男仔都揀黑松露，話味道比白松露香濃喎。至尊松茸豬肉煎餃 ($113) 12隻對比龍鳳松茸雙煎餃，至尊松茸餃少左松露，不過就係全店唯一跟配九鼎狀元湯既煎餃，食落冇咁涸喉。 可能由於岩岩食完黑松露，呢款感覺味道比較失色，的確係明顯見到松茸片，但同普通菇菌差唔多味。 元貝豬肉湯餃 ($60) 10隻食完幾款松茸松露餃子之後，本來以為元貝豬肉餃應該無咩驚喜，結
龍鳳松茸雙餃
$85
34 瀏覽
0 讚好
0 留言
餃子可以揀煎、灼或湯餃，煎餃表面煎得焦脆夠香口，灼餃另上狀元九鼎湯，同印象中一樣偏淡，加左少少鹽之後先引出鮮甜葛味。
龍鳳松茸雙灼餃
$85
52 瀏覽
0 讚好
0 留言
龍鳳松茸雙煎餃
$85
53 瀏覽
0 讚好
0 留言
龍鳳松茸雙餃
$85
25 瀏覽
0 讚好
0 留言
至尊松茸豬肉煎餃
$113
25 瀏覽
0 讚好
0 留言
至尊松茸豬肉煎餃
$113
28 瀏覽
0 讚好
0 留言
對比龍鳳松茸雙煎餃，至尊松茸餃少左松露，不過就係全店唯一跟配九鼎狀元湯既煎餃，食落冇咁涸喉。 可能由於岩岩食完黑松露，呢款感覺味道比較失色，的確係明顯見到松茸片，但同普通菇菌差唔多味。
元貝豬肉湯餃
$60
26 瀏覽
0 讚好
0 留言
元貝豬肉湯餃
$60
20 瀏覽
0 讚好
0 留言
食完幾款松茸松露餃子之後，本來以為元貝豬肉餃應該無咩驚喜，結果反而大獲好評。 元貝令餃子格外鮮美，咬開後更見到十分足料，清楚見到一條條元貝絲。 咁多款餃子其實都係豬肉餡既基礎上加入唔同口味，呢款雖然唔例外但可以話係鶴立雞群，因為元貝既海產鮮甜味完全蓋過左肉鮮味，性價比奇高，我妹仔命最愛呢款。
重慶麻辣雲吞
$45
25 瀏覽
0 讚好
0 留言
原本打算挑戰大辣麻辣雲吞，但俾店員一句「大辣好辣架喎，你食唔食到呀？」拋窒，最終叫左小辣。 不過食落先知低估左自己，小辣食起黎辣味略為不足，湯底比較稀，味道不過不失。
黃金原味皮蛋
$28
16 瀏覽
0 讚好
0 留言
麻辣松花皮蛋
$25
27 瀏覽
0 讚好
0 留言
黃金原味皮蛋味道偏似雞蛋，志在試下新野，未留下深刻印象。 松花皮蛋就配左口水雞個種麻辣汁，香口惹味，皮蛋亦夠軟滑香醇。
自家製山楂雪梨水
$80
28 瀏覽
0 讚好
0 留言
用左山楂、雪梨、甘草等熬成，酸酸甜甜好開胃，最正係飲得出落足料，雪梨味好濃郁強烈。 配埋煎餃就岩哂，可以一掃熱氣既感覺，再食多碟都無問題。 反而嫌佢份量太多喇，四個人分，每個人都要飲四杯先清哂。
值得一讚台面放左醃蘿蔔，大大塊爽脆又入味，次次黎都清半樽先走。
土豪式叫哂所有最貴既選項，又松露又松茸都只係人均百頭，夫復何求呢。 比起午市趕頭趕命既狀態，店員傍晚心情明顯比較愉快，仲主動自豪地同我地介紹自家製飲品有幾咁真材實料、松茸醬有幾咁矜貴，同阿姐既互動又構成左今晚笑點。 心願已了，以後黎狂啪元貝餃就滿足了。
張貼
