影片
更多
2024-07-04
1651 瀏覽
嚟過相馬幾次，都係食大閘蟹放題，之前幾次都覺得好抵食，又無限時，今次班朋友好耐冇見，主要想搵無限時嘅餐廳，就諗起呢度，咁岩宜家做緊卜卜蜆雞煲，好似唔錯。食卜卜蜆雞煲無限時放題，要訂座，openrice訂座不適用，要whatsapp訂座，whatsapp一開始喺自動回覆，之後好快有真人回覆確認訂座。卜卜蜆雞煲放題每人$268，無限時意思係食1700-2300，2300關門，2145lastorder。我哋訂咗1900食，食4個鐘都好夠，$268價錢好抵。一開始坐低店員就有講講會有咩食，同埋食嘅次序。店員人數只有2個樓面，有時的確係搵唔到人，不過主要qr code落單，係想換下一樣嘢食嘅時候先要叫佢哋，而佢哋嘅態度都幾好。首先第一就食卜卜蜆雞煲，店員會直接成包攞嚟，蒸10分鐘就食得。份量都幾多，呢個可以任食，要加就搵店員，食夠就叫店員轉蒸海鮮，之後會再轉火鍋，冇得食番雞煲，所以食夠先好叫佢轉蒸鍋。好多雞，幾嫩，叫咗bb辣，係幾乎唔辣，雞都好多肉，唔係得皮/筋。好多蜆，估唔到啲蜆幾鮮甜。我哋食咗一煲，就決定轉蒸海鮮，蒸海鮮只係供應一次，不是任食，店員會成個雞煲攞走轉做蒸鍋，蒸鍋上層蒸海鮮，下
食卜卜蜆雞煲無限時放題，要訂座，openrice訂座不適用，要whatsapp訂座，whatsapp一開始喺自動回覆，之後好快有真人回覆確認訂座。
卜卜蜆雞煲放題每人$268，無限時意思係食1700-2300，2300關門，2145lastorder。我哋訂咗1900食，食4個鐘都好夠，$268價錢好抵。
一開始坐低店員就有講講會有咩食，同埋食嘅次序。
店員人數只有2個樓面，有時的確係搵唔到人，不過主要qr code落單，係想換下一樣嘢食嘅時候先要叫佢哋，而佢哋嘅態度都幾好。
首先第一就食卜卜蜆雞煲，店員會直接成包攞嚟，蒸10分鐘就食得。份量都幾多，呢個可以任食，要加就搵店員，食夠就叫店員轉蒸海鮮，之後會再轉火鍋，冇得食番雞煲，所以食夠先好叫佢轉蒸鍋。
好多雞，幾嫩，叫咗bb辣，係幾乎唔辣，雞都好多肉，唔係得皮/筋。好多蜆，估唔到啲蜆幾鮮甜。
卜卜蜆雞煲
78 瀏覽
0 讚好
0 留言
卜卜蜆雞煲
272 瀏覽
0 讚好
0 留言
我哋食咗一煲，就決定轉蒸海鮮，蒸海鮮只係供應一次，不是任食，店員會成個雞煲攞走轉做蒸鍋，蒸鍋上層蒸海鮮，下面就係火鍋湯底，所以要揀埋湯底先。
海鮮係計人頭比，我哋4個人所以每樣有4隻，全部都好鮮甜，唔腥冇臭味。
扇貝蒸完縮水縮到好細粒，鮑魚幾大隻，好彈牙有口感又唔會咬唔開，大蜆細蜆都係鮮甜冇沙，蝦都鮮甜，肉唔會霉。
蒸海鮮
103 瀏覽
0 讚好
0 留言
之後叫店員攞開個層蒸鍋，就用下面個湯底開始食火鍋，我哋叫咗蕃茄湯。建議海鮮差唔多食完，就可以qr code落定牛肉、豬肉、火鍋海鮮先，爭取時間，食完搵完店員收鍋，肉就到了。
牛肉就普通肥牛，正常質素ok，可以狂食，豬肉都唔鞋，幾嫩，都有再叫。
海鮮有蟹棒、帶子、蜆、廣島蠔，帶子幾大粒不過薄，全部都好食，驚喜在蜆都冇沙。
蔬菜、丸、麵，出去自助區攞，仲有罐裝飲品、雪糕雪條。
18 瀏覽
1 讚好
0 留言
19 瀏覽
0 讚好
0 留言
手機落單仲可以叫燒物炸物，有牛豬雞串燒、金菇肥牛卷、燒翠玉瓜、菠蘿、春卷、雞棒、炸年糕等等，單骨雞翼有好多口味，水牛城、蜜糖、土匪等等。燒物炸物即整要啲時間等，其他牛肉個啲好快到。
我哋食到2145lastorder，仲叫咗幾碟肉，廚房開始清潔。
店全晚都唔係好多人，唔滿座，食到2215已經冇晒人，2230見到一堆職員換晒衫放工走人，我哋即刻開始食快啲啦唔好阻人收工，佢哋淨係留番一個店員，等埋我哋食完先走得，不過佢都完全唔會催你，佢就喺其他地方抹住野先，都冇壓力的。
整晚店員態度都ok，不過人手不太夠是真的。但價錢非常抵食，食物質素出乎意料，一班人食飯無限時最岩。
張貼
