八幡屋涮涮鍋

營業中

休息中

旺角嘅八幡屋涮涮鍋，係一家火鍋放題店！預早網上訂座嘅話，C套餐可以免費升級做無限時，保證飲飽食醉！C3 澳洲M5和牛 $418/位套餐包含澳洲M5和牛、刺身、壽司、海鮮等任食，連清酒啤酒都係任飲！麻辣雞煲先上嘅係雞煲，小辣帶麻，啲雞件索滿雞煲醬同埋香料嘅咊道，都唔錯！食完就可以換湯底打邊爐，不另收費！刺身是日嘅三文魚、帶子、劍魚腩、甜蝦係特別outstanding，水準以上，好食到encore咗幾轉！澳洲M5和牛帶均勻嘅油花，輕焯幾秒就食得，軟淋富肉香！海鮮大大隻黑虎蝦，仲有巨型嘅帶子，都係任食！自助區包埋啤酒清酒任飲，甜品類嘅選擇亦夠多，唔錯！