名古屋風味雞翼（$62）
雞翼似乎無醃過/醃得唔入味，食落無乜鹹味，得少少甜味，好奇怪，呢個價錢可以話係搶錢！
然後上第二個小食：
薄切蔥花鹽燒牛舌（$79）
牛舌完全唔覺有燒過，懷疑只係隨便攞煎pan煎過下，然後灑啲鹽同擺蔥花，又係搶錢之作🙄
之後再等多20分鐘（落單後等咗50分鐘🤯），終於上主食：
味增北海道十勝產豚肉丼（$112）
簡單嚟講就係現成味噌煮豚肉，質地同煲湯豬展差唔多，唯一可取之處係啲肉都算多，夠塞飽你，但係你諗下係煲湯豬展🫣個人認為浪費咗食材。
最後係：
黑豚生薑燒定食（$184）
一睇已經嚇一嚇😵💫 我未食過豚肉生薑燒係咁煮法，而且完全見唔到生薑，只係見到一粒粒疑似用嚟沖飲品嘅調味薑粒，真係好shocked 🤯🤯🤯 食落肉質都係煲湯豬展，味道令人非常失望。四個字：不知所謂！！！
最後係難食到食唔完啲嘢，埋單加一後$480，簡直係搶錢！！！歡迎大家試伏☺️
