喜聚坊

營業中

休息中

今日男朋友接放工，之前經過大角嘴見到有間鋪好多人等緊位，今日就一早book左去食。餐廳環境行7 80年代嘅復古style。天天煲靚湯今日推薦嘅係南北杏黑木耳雞骨草煲豬尾骨，可以清熱解毒。老闆話個湯係煲左5個鐘，無味精架！飲落好清甜足料，同平時係街飲嘅湯差好遠，真材實料。金雲彩沙黃金蝦球一上檯已經引唔住望多兩眼，金黃色圓碌碌好吸引。入口有陣陣嘅鹹蛋皇香味，外層係炒到起沙嘅蛋皇，入面係好彈牙嘅大蝦，蛋黃嘅鹹香唔會搶走蝦球嘅鮮味 。醬皇麻辣乾鍋走地雞香港好少機會食到走地雞，梗係要叫返個。一碟嘅份量夠2-3個人食，成隻雞係曬到。配菜有紫洋蔥、青椒、木耳、豆卜等，加埋小小辣，雞肉好惹味。食雞煲最驚就係雞肉太熟會好老，但佢食到後期啲雞胸都好嫩。最後再黎多個甜品腐竹薏米糕就啱啱好啦！呢一餐真係好滿足。