川味雞烤魚大王 (大河道)

營業中

休息中

今日放假同朋友嚟荃灣覓食，凍凍地但又唔想打邊爐，所以就揀左食烤魚佢呢到除左老壇酸菜魚，仲有好多唔同口味同種類嘅魚(剁椒，麻椒等等)。之前幾次都係食酸菜魚，今次有少少新意，食酸辣鱸魚，哈哈，挑戰下食辣。個酸辣鱸魚一嚟已經好香，滿滿嘅芫荽，配料有酸菜，白蘿蔔，薯仔等，我地再點左個幼薯粉，份量好多，所有材料吸晒湯底醬汁，夠晒Q彈好好味，欣賞呢到調味唔算太咸，就算煮左一段時間都只係濃郁同更出味。講返主角鱸魚，好大條魚，份量十足，外皮有煎香，所以更好食，肉質唔會太實又唔會淋，我覺得都幾嫩，好味道。而且基本上除左大骨都無咩細骨，啖啖肉，食得好滿足，佢湯汁有少少孜然味道，帶少少辣，香味十足，好開胃，再飲埋枝啤酒啤啤佢，就超級滿足。