我要烤魚串燒烤魚專門店 (已結業)

同老公去女人街行下，行過通菜街，醒起朋友話附近開咗間烤魚店，環境同味道都唔錯，老公話一齊去試吓。我要烤魚串燒烤魚專門店位於樓上一樓，環境簡潔，座位寬敞。主打烤魚和串燒。烤魚味道有重慶麻辣、萬州香辣、酸辣金湯酸菜，不辣之選有蕃茄烤魚，有辣有唔辣，方便客人選擇。萬州香辣烤青江魚，BB辣：原條青江魚烤得金黃色，放入萬州香辣湯汁內，並加入免費奉送嘅六款配菜，一大盆放上電爐邊滾邊食，青江魚口感嫩滑 油香十足，魚皮烤得好香口，連埋配菜蓮藕、萵筍、娃娃菜等，食材索左湯汁，辣辣哋好惹味。另外加咗火鍋配料：滑溜嘅鴨血片和彈牙嘅手打墨魚滑。串燒款式都好多，即叫即燒。蒜蓉菜脯燒茄子：多汁軟嫩的茄子肉搭配濃濃的蒜蓉菜脯，非常惹味。蒜蓉菜脯燒蠔：蠔肉鮮嫩配濃郁嘅蒜蓉菜脯，口感爽滑又滋味。午餐肉：肉質厚實，炸起後外脆內軟。鹽燒雞中翼：雞翼表面香口脆卜卜，再配上椒鹽和其他配料，味道香辣又惹味。黃金饅頭（4粒）：饅頭外表口感十分酥脆，搭配煉乳香甜滋味。香蔥手抓餅：麵皮拍鬆軟酥脆，饀料滿滿青蔥香氣，食落充滿層次香酥口感。烤魚串燒配Sapporo生啤一流，而家仲買一送一超抵飲。