Goobne Chicken (M88) (已結業)

同幾個韓國瘋嘅朋友食雞！韓國炸雞喺香港曾經風靡一時，遍滿全港九，而韓式炸雞比起連鎖炸雞快餐店有更多口味。Goobne Chicken嘅雞就同市面上嘅韓式炸雞有d唔同，佢係用烤嘅方法，而唔係油炸，感覺上比較健康。我地次次黎都一定會叫果味蒜香烤雞，甜甜地，不過今次蒜香無乜，略欠層次。韓式粉絲蛋卷上枱時熱辣辣，見到有幾層嘅蛋，包住韓國粉絲，醃蘿蔔，味道不錯。食食吓，朋友決定追加一個甜辣烤雞同砂鍋魚糕湯。甜辣烤雞辣度都幾足，初初第一啖食到個甜味，之後會愈食愈辣。最後再飲返個魚糕湯，入面有不同嘅魚糕，其實係似魚蛋嘅，個湯都有少少辣道，不過唔會好辣，點到即止。呢度唔算太多人，可以同朋友輕鬆咁傾計，不錯。