極尚大瀛喜日本料理

營業中

休息中

過年🧨成日食中餐，故想去食番餐日式放題，就約咗同事近近地在#觀塘之#亞太中心的#極尚大瀛喜 齊齊去開餐囉，我地6點多己到，但己經差唔多坐滿人了，故想食的朋友真係要book定位😉。餐廳環境闊落寬敞，安排坐在卡位上，坐得好舒適，用QR code點餐亦快捷方便，當點好餐後，隨即去了種類繁多的自助區，取熟食有日式炸物、豉汁蒸鱔、滑雞同鴨，酒精類有啤酒、冷熱清酒🍶及梅酒，雪櫃裝滿雪糕🍦、雪條，時令生果、沙律、青口同蜆。仲有湯類、咖啡飲品添啊☺️。埋位後食物都好快上場，刺身部份新鮮又美味，有冰墊底夠晒冰凍，就算放咗一陣先食都唔怕暖。鮮甜的蟹腳、甜蝦、三文魚、油甘魚、鮑魚、帶子同赤蝦，超美味的海膽壽司，花之戀、各式精緻壽司，壽司飯份量亦剛好。熟食仲有養顏花膠，燒物的牛舌、乳鴿、羊架等都燒得juicy 唔會乾，炸物有天婦羅🍤好香又脆口，燒菠蘿甜又多汁，蟹粥夠熱好美味，仲有羊腩煲、牛肉壽喜燒。個燉奶亦很嫩滑不過甜，食埋超級美味的燒榴槤、榴槤蓉同埋炸榴槤，三款叫晒就係完滿了。我地不停的飲同食，食物實在太多款式，食到勁飽飽很滿足啊！