Pizza Maru (已結業)

炸雞，始終都係配啤酒好食開炸雞啤酒，係會有舖癮既。我第一次嘗試炸雞啤酒就係由當年風靡一時既「來自星星的你」而起的，當年女主角全智賢最愛既就係炸雞啤酒呢個配搭，自此一食就愛上。店內有個大電視播放住kpop MV，未食炸雞已經融內左韓式氣氛啦~韓國烤肉芝加哥 $176舖頭自家研發既綠茶健康麵團有多種健康元素，包括現時流行既Superfood亞麻籽同強健心臟既燕麥等，食Pizza之餘都可以照顧到身體營養所需餅底似煙煙韌韌既麵包，帶麵粉筋性，我最愛呢種口感，比起「空氣感」麵包來得實在。切開薄餅後芝士瀑布就流曬出黎，絕對係非一般既滿足！每一啖都充滿芝士咖餅上既烤肉帶韓式BBQ風味，肉質甜美，另外仲有Salami意式肉腸，材料豐富。蒜香甜辣秘製炸雞 (6件) $108炸雞外皮有啲蜜糖既香甜味，非常薄、脆，切開仲好juicy。有肉汁既炸雞係最正既，唔會太乾身，韓式炸雞一向有水準，難怪一直風靡至今。Apple Cider $68食炸雞又點少得佢既好拍檔啤酒呢~今日想飲啲清新既野，我揀左呢款Apple Cider，貪佢容易入口。此款Apple Cider顏色金黃，不帶雜質，氣泡幼細，微微酸味，個人推薦！