影片
更多
2024-06-27
363 瀏覽
之前bookmark咗呢間餐廳好耐，因為無食過鹹嘅窩夫，就同朋友一齊嚟試。嗰日去到啱啱開門，啲位任坐就坐咗落地玻璃嗰邊嘅梳化一邊people watching一邊吹水，坐位都好闊落。我哋叫咗兩個午餐，一個係炸雞煎蛋窩夫，一個係牛肉Tacos配薯條。嘢飲就飲咗一個梳打同埋芒果yogurt。首先上咗嘢飲先嘅，我點嘅芒果乳酪對我嚟講有少少太heavy，因為佢個質地濃到係似食緊甜品嗰隻乳酪，唔似嘢飲。本身以為可能酸酸哋再fresh啲light啲，所以覺得還好，唔係唔好飲，不過想解渴就唔好點呢杯啦。之後上炸雞窩夫同埋牛肉Tacos，個人覺得牛肉調味唔錯，唔會太鹹太重口味。不過佢係用肥牛，所以好難咬斷啲肉，比較難分享同埋食得有啲論盡。炸雞煎蛋窩夫就窩夫比較突出，趁熱食嘅話仲有少少脆皮，外脆內軟好正~炸雞大大塊，值得一讚係佢係無骨嘅，切同食都好方便唔怕有骨。醃得好入味，唔需要再額外配醬或者鹽。總括而言值得一試～
嗰日去到啱啱開門，啲位任坐就坐咗落地玻璃嗰邊嘅梳化一邊people watching一邊吹水，坐位都好闊落。
我哋叫咗兩個午餐，一個係炸雞煎蛋窩夫，一個係牛肉Tacos配薯條。嘢飲就飲咗一個梳打同埋芒果yogurt。
首先上咗嘢飲先嘅，我點嘅芒果乳酪對我嚟講有少少太heavy，因為佢個質地濃到係似食緊甜品嗰隻乳酪，唔似嘢飲。
本身以為可能酸酸哋再fresh啲light啲，所以覺得還好，唔係唔好飲，不過想解渴就唔好點呢杯啦。
之後上炸雞窩夫同埋牛肉Tacos，個人覺得牛肉調味唔錯，唔會太鹹太重口味。不過佢係用肥牛，所以好難咬斷啲肉，比較難分享同埋食得有啲論盡。
炸雞煎蛋窩夫就窩夫比較突出，趁熱食嘅話仲有少少脆皮，外脆內軟好正~
炸雞大大塊，值得一讚係佢係無骨嘅，切同食都好方便唔怕有骨。
醃得好入味，唔需要再額外配醬或者鹽。
總括而言值得一試～
張貼
