O’taste (禧利街)

營業中

休息中

夜晚諗唔到想食咩,經過呢間韓式食店,決定買炸雞做晚餐$48/5件韓式無骨炸雞,收銀店員唔識得聽廣東話,只能用英文溝通,自問自己英文能力絕對正常,而且只係簡單兩句溝通,唔知點解整體感覺店員都唔係好友善,仲要黑面,而其實好多時候都會喺地道韓式食店遇到呢個情況講番食物,眼見已經有好多炸雞炸好放咗喺度,而負責煮嘢食嘅店員會馬上再翻炸,大概等三分鐘之後就完成,無骨炸雞分量都幾大舊,啱啱炸起非常非常熱,好香。炸粉略嫌有點厚,雞肉嫩滑,會配上兩個醬汁畀客人,一個係韓式炒年糕嘅辣醬,另一個就酸酸甜甜既醬汁。雖然見到有啲食評都話呢間食店嘅嘢食好一般,但可能由於我今次只係試炸雞,反而覺得味道幾好,比我想像中嘅份量多,配上酸酸甜甜嗰個醬汁幾好食,而且夠熱夠香,不過當然係比較熱氣啦希望呢間食店能夠改善一下服務態度,咁就會更好啦。