ROJO

營業中

休息中

今晚約朋友放工後聚一聚，嚟嘅呢間餐廳的特色係fusion Tapas , 西班牙菜但融入亞洲原素。響炮台山站行幾分鐘就到。我哋點了兩款tapas ，一款主菜及甜品，慢慢食傾吓計。炸薯條松露蛋黃醬$68呢個薯條新鮮炸起，上面灑上了芝士絲，超香脆，蘸上香濃松露蛋黃醬，真係食唔停口。就算放涼了，薯條仍保持挺身脆口。西班牙蒜蓉蝦，海鮮汁 $88有別於平時響西班牙餐廳食到蒜油蝦，呢個蝦同樣加入好多蒜片，超香，再加入了蕃茄海鮮汁，味道更香濃。蝦已去殼只保留蝦頭，蝦肉爽口，蝦頭膏，再蘸醬汁食好鮮又甘香。炭燒頂級牛腹扒配時蔬（12oz) $28812安士，份量不少，已切好一件件上枱。Order 了五成熟，肉色粉嫩。牛腹扒牛味香濃，脂肪較少，肉質不嚡，蘸上肉汁，味道香濃。西班牙肉桂油條，朱古力醬，雪糕甜品當然要每經典西班牙甜品，西班牙肉桂油條。新鮮炸起的西班牙油條，充滿肉桂香氣，沾上香濃黑朱古力醬，香甜又香脆可口。配合香滑雲尼拿雪糕，冷熱交融，超正。