翠林辣蟹舫

睇到哩間網紅蟹店，宜家做緊promotion，炒蟹同埋部分菜式做半價優惠，每個月仲會更新菜式，咁一定要試試啦。餐廳環境唔錯，古香古色，估唔到樓上鋪都坐滿7成，幾旺下。水蜜桃咕嚕肉，咕嚕肉一口大小，先油炸再用甜酸醬爆炒。食落皮脆肉嫩，酸甜醬汁同豬肉好夾。避風塘炒蟹（少辣），menu寫清楚，係用斤2兩蟹製作。螃蟹斬成細件，連鉗子都敲碎埋，食落唔會好辛苦。蟹肉鮮甜嫩滑，一食就知道用新鮮蟹製作。大量蒜蓉辣椒爆炒蟹肉，唔會遮蓋蟹肉鮮甜味，食落反而更加惹味。蝦幹香芋娃娃菜，好特別嘅娃娃菜做法，用蝦幹吊出湯底鮮味，再落入香芋增加甜味。娃娃菜本身已經好清甜，再用特色湯底煲制，食落更加爽脆鮮甜。食神炒飯，用料極其豐富，飯同配料簡直1：1.。除咗雞蛋，落咗大量蝦仁，菜心，魚籽等配料，仲要擺咗條鯉魚形狀，好得意。炒飯炒到好幹身，米飯粒粒分明，每一啖都食到好多配料，魚籽仲添加咗爆珠口感，真係好味。