影片
更多
2015-02-09
15483 瀏覽
之前去荃灣店食過唔錯，今次再同朋友仔試下佐敦店。嘢食質素喺任飲任食界裡面的確係唔錯。但今次嘅經驗，好有可能令我唔會再幫襯。首先講一講d野食，其實整體都算唔錯，野食選擇又夠多質素亦都OK，但係數量似乎係跟人頭上，同你寫幾多好似無乜關係。唔駛加錢既牛肉選擇唔多，我地亦都只係點左肥牛，但都夠新鮮幾好食，但件數偏少。粟米好甜，雞柳都好食。其實大部份叫左既野都OK，除左下面幾樣，不過其實以咁既價錢我覺得下面幾樣野食唔OK係絕對係情有可原。餃類，雲吞都OK，可惜有幾隻唔知係咪魚皮餃，外貌欠奉，一上枱就感覺放左好耐一pat咁樣，所以都擺埋左一邊無食。響鈴點左2轉，第一轉都好正常，第二轉唔知做咩硬到淥左好耐都唔淋，完全食唔到。菜，就一DD啦，整體OK，只係有2棵油麥菜無搣開，感覺好似無洗過咁，同埋爛爛地就無食，建議可以搣開感覺會乾淨D，其他西洋菜嗰D都OK。豬紅，可能個湯底唔係好夠味，搞到豬紅都冇味。鵝腸亦都唔多靚仔。全餐飯其實都食得好開心，我地仲大讚抵食又好食... 只可惜......... 唔係咁好既事喺我地食完抖緊既時候發生左。打邊爐… 其實都預左有啲舖頭會回收食剩嘅嘢食之後再俾其他客 (但當然
首先講一講d野食，其實整體都算唔錯，野食選擇又夠多質素亦都OK，但係數量似乎係跟人頭上，同你寫幾多好似無乜關係。唔駛加錢既牛肉選擇唔多，我地亦都只係點左肥牛，但都夠新鮮幾好食，但件數偏少。粟米好甜，雞柳都好食。其實大部份叫左既野都OK，除左下面幾樣，不過其實以咁既價錢我覺得下面幾樣野食唔OK係絕對係情有可原。
餃類，雲吞都OK，可惜有幾隻唔知係咪魚皮餃，外貌欠奉，一上枱就感覺放左好耐一pat咁樣，所以都擺埋左一邊無食。響鈴點左2轉，第一轉都好正常，第二轉唔知做咩硬到淥左好耐都唔淋，完全食唔到。菜，就一DD啦，整體OK，只係有2棵油麥菜無搣開，感覺好似無洗過咁，同埋爛爛地就無食，建議可以搣開感覺會乾淨D，其他西洋菜嗰D都OK。豬紅，可能個湯底唔係好夠味，搞到豬紅都冇味。鵝腸亦都唔多靚仔。全餐飯其實都食得好開心，我地仲大讚抵食又好食... 只可惜......... 唔係咁好既事喺我地食完抖緊既時候發生左。
打邊爐… 其實都預左有啲舖頭會回收食剩嘅嘢食之後再俾其他客 (但當然內心都會氹自己同自己講自己食緊嗰間無啦)。今次係有生以來第一次打完邊爐啲阿姐咁老實同你講到明『你唔食喇？咁我收返入去回收。』仲要喺你打個突，仲未接受到呢個係現實嘅時候，阿姐已經急不及待叫你幫手喺卡位埋邊遞啲食剩嘅嘢出嚟… 回收。
以下為真人真事。阿姐：牛筋唔食喇？
我：唔要喇。
(阿姐將兩舊牛筋拎起望左幾眼然後帶走，之後再折返繼續"執枱"。指住卡位枱埋邊示意幫佢遞嘢出嚟。)
我：要乜嘢？
阿姐：響鈴。響鈴可以回收。(然後指住鵝腸)
我：又乜嘢？
阿姐：鵝腸都回收得。(但其實由於鵝腸唔太靚，食嘅時候俾我地用筷子揀左一輪)
(阿姐再指住最埋邊兩棵爛菜，由於我地檢查完一輪覺得太醜樣所以冇食)
我：菜都要回收？
阿姐：係。
(然後阿姐就好努力咁執埋枱上食剩嘅嘢，包括：豬頸肉，午餐肉，炸魚皮………………)
最後冇帶走嘅只有一整碟豬紅，小半碟雞柳同可能佢睇漏左眼嘅魚皮餃。其實，你偷偷地回收係OK既，話晒都眼不見為乾淨嘛，但你講到明我知就令到我唔知點咁囉。
大家如果想打平邊爐，又接受到食剩野回收嘅話，絕對可以繼續幫襯大鍋口，我地都同意佢好抵食又新鮮。不過，如果你對於衛生有要求既，就可能未必接受到，就可能要認真考慮下喇。呢篇食評，就俾愛衛生既你地，作一個小小既參考。
張貼
